1 Petulo 3:21 - Chipangano Chabwangu

²¹ Amenshi ngalya alipalana nolubatisho ulo shino nshiku lukomupulusha pamulandu wakubuka kwaku Yesu Klistu. Ukubatishiwa nku tekusambapo ifiko ifyapamubili, kuntu ukuyipela kuli Lesa nomutima wachine. Lulamupulusha ukupitila mukubuka kwaku Yesu Klistu kubafwa.

1 Petulo 3:21 ပူးပေါင်းရင်းမြစ်များ

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Maliko 16:16

Uwasumina nokubatishiwa akupuluka, kuntu uwakukana ukusumina, akoyisa kupingulwa nokuya mukuchushiwa.

Yohane 13:9

Pakumfwa mfi, Petulo alyasukile ati, “Obe! Kati efyo Bashikulu, mwinsamfyapo amakasa bwaka, kuntu namaboko anji nomutwi kumo!”

Imilimo ya batumwa 16:33

Mubushiku bwenka mbu, malonda wachifungo alibatwele ukubasamba ifibenga fyabo. Penka mpalya, ye nabamunanda yakwe bonse balibatishiwe.

Imilimo ya batumwa 2:38

Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”

Imilimo ya batumwa 22:16

Nomba chindo icho ukolindila? Ima nokubatishiwa ukuti usambe amabifyo obe elo wite peshina lyaku Bashikulu.’

Imilimo ya batumwa 8:36

Ulo balikuya munshila, bafikile apali amenshi. Umuntu ngulya asosele ati, “Amenshi nga, chindo chakunkanya ukubatishiwa?” [

Imilimo ya batumwa 8:37

Filipo ayasukile ati, “Kati mwachetekela nomutima wenu onse mwakubatishiwa.” Umuntu ngulya asosele ati, “Ina, nachetekela ukuti Yesu Klistu e Mwana waku Lesa.”]

Loma 5:14

Ukufuma pali Adamu nokufikila pali Mosesi, abantu balikufwa, nambalya abatabifishepo kubati nimfilya Adamu abifishe, uyo uutalaminepo Ifunde lyaku Lesa. Adamu ali chinshingwa chaku ngulya uwali nokwisa panuma.

1 Kolinto 12:13

Pakuba nangu fwebo tube Abayuda nangula abenafyalo, abasha nangula ababwanalale, twabatishiwe mu Mupashi Wabuta umo ukwebati tube umubili umo. Elo bonse twalipokelela Umupashi Wabuta umo wenka.

1 Kolinto 4:6

Mwe bawesu, mfi ifyo nkososa fyaku nebo na Apolosi. Nkofwaya ukwebati mfi fimusambishe amashiwi ngalya akososa ati, “Mulokuchishapo ifyo Amalembo akososa.” Echo muyitutumwina pali umbi nokusula munakwe.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 7:1

Nomba, mwe batemwekwa, pakuti tuli nobulayo mbu, katufumyepo ifintu fyonse ifikowesha imibili yesu nangu imitima yesu. Elo mukuchinshika Lesa, twikale ubumi ubwaololoka nakambi ubwabuta.

Galatiya 3:27

Elo bonse mwayishileba umo na Klistu ulo mwabatishiwe, mwachitile ukubati mwafwala umubili uwaku Klistu.

Efeso 5:26

ukwebati achibutishe. Achibutishe pakuchisamfya namenshi, elo namashiwi aakwe.

Kolose 2:12

Pantu ulo mwabatishiwe mwashikilwe pamo na Klistu. Elo mulubatisho lwenka emo mwabukile pamo na Klistu mukuchetekela kwenu mufiso fyaku Lesa uwamubushishe Klistu kubafwa.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

1 Timoti 6:12

Ulokulwa bwino inkondo iyakusunga ichichetekelo ukufikila ukapokelele ubumi butapwa. Pantu efyo Lesa akwitile ulo wasuminine palwalala ifyachichetekelo chobe nabantu bonse balikumfwa.

Hebele 10:22

Echo katupalamine kuli Lesa nemitima iyachine nechichetekelo ichinenene. Imitima Yesu iwamishiwe ukwambula akalema nemibili Yesu isambwe namenshi ayabuta.

Hebele 11:19

Abulahamu alichetekele ukwebati Lesa kuti abusha Isake kubafwa. Nomba twingasosa ukuti Abulahamu alipokele Isake kubafwa.

Hebele 13:18

Mulokutulombelako nafwe. Pakuba tuli namalangulushi ayaweme ayakufwaya ukuchita ifyalungama.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Hebele 9:24

Pakuti Klistu tayinjilemo Muchifulo Ichabuta ichakulombelamo ichayimakwa nabantu ichikopashanya bwaka nechakumulu. Ye ayinjile kumulu ukwinenene ukuti nomba alokutusoselako kuli Lesa.

1 Petulo 1:3

Tutondayishe Lesa wishi wa Bashikulu wesu Yesu Klistu. Ye, mubwanshi bwakwe, alitupela ubumi bwabwangu pakubusha Yesu Klistu kubafwa. Echo tulachetekela

1 Petulo 3:16

Ikaleni nomutima uwabula akantu ukwebati abo abakomusuula pamulandu wamibele yenu iiweme muli Klistu mubanshe nsoni.