1 Petulo 3:20 - Chipangano Chabwangu

²⁰ Mipashi njilya yabantu abataumfwile ulo Lesa alindilile nomutima wakushipikisha panshita Nowa alikupanga ingalaba. Mungalaba njilya abantu abanono bwaka, basano nabatatu, ebapulukile kumenshi.

1 Petulo 3:20 ပူးပေါင်းရင်းမြစ်များ

Mateyo 7:14

Elo umulyango uutwala kubumi ubutapwa uuche, elo nenshila yauko iiche. Echo nabantu abayisanga bakupenda bwaka.

Luka 12:32

“We kabumba kanini kambelele, witina pantu ba Nshinwe balasekelela pakumupela ubu bufumu.

Imilimo ya batumwa 2:41

Echo abenji balyumfwile nokuchetekela amashiwi akwa Petulo, elo balibatishiwe penka pakasuba nkalya. Kubati amakana atatu ebalundilweko kubantu abachetekela.

Loma 9:22

Emfi Lesa achita. Nangu afwayile ukubachusha mubukali bwakwe nokubalanga ifiso fyakwe kuntu abakwatile inkumbu. Akwete ukushipikisha pali bo abali nokumfwa ubukali bwakwe.

Efeso 5:26

ukwebati achibutishe. Achibutishe pakuchisamfya namenshi, elo namashiwi aakwe.

Hebele 11:7

Muchichetekelo Nowa alipokelele ubuchenjesho bwaku Lesa ubusosa pafintu ifyali kwisa ifyo atalikubonapo. Alipangile chibwato ukuti ye nabamulupwa lwakwe bapulukilemo. Pakuchita nchi Nowa alishinine abantu bapanonshi nokupokelela amashuko awo Lesa apela abantu bonse abamusekesha.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

1 Petulo 1:9

Echo ukupitila muchichetekelo chenu, mulapokelela chipulusho ichamuyayaya.

1 Petulo 2:25

Pakuba mwali kubati imbelele ishalubile, kuntu nomba mwabwelela kuli chembela uukosunga ubumi bwenu.

1 Petulo 3:19

Mumupashi mwenka aliile ukushimika kumipashi iyali muchifungo.

1 Petulo 4:19

Echo abantu abachula pamulandu wakufwaya kwaku Lesa, bayipele kuli Kabumba wabo uuchetekelwa, nokuchita imilimo iiweme.

2 Petulo 2:5

Lesa takwetepo inkumbu pabantu abakale mbalya, kuntu asungile Nowa bwaka, kashimika wabulungami, pamo nabambi basano na babili, ulo atumine ichama pabantu abatomfwilapo Lesa.

2 Petulo 3:15

Mwishibe ukwebati Lesa akoteka umutima pantu akofwaya ukumupulusha. Echo naye Paulo, wesu watemwekwa, amulembele mfi nomulangwe uwo Lesa amupele.