1 Petulo 3:18 - Chipangano Chabwangu

¹⁸ Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Petulo 3:18 ပူးပေါင်းရင်းမြစ်များ

Mateyo 27:19

Ulo Pilato achili alikele pachipuna chabupingushi, umukashi wakwe alitumine amashiwi kuli ye ati, “Wichitapo kantu nangu kamo pali uyo muntu, wakaele. Pakuti ndichulile ukwinekantu muchoshi pamulandu wakwe.”

Mateyo 27:24

Ulo Pilato abwene ukwebati mwali ukutalikishanya mubantu, abulile amenshi nokusamba kuminwe yakwe pamenso yabantu. Elo asosele ati, “Tanshikwetepo umulandu pamfwa yamuntu ngu. Chiteni icho mukofwaya mwebene.”

Yohane 16:10

Akubashinina pamulandu wabulungami, pantu nkoya kuli Bata, elo tamwayise kumbonapo nakambi iyowo.

Imilimo ya batumwa 22:14

Elo anjebele ati, ‘Lesa wafikolwe fyesu alikusalile ukuti wishibe ifyo atemwa nokubona Uwalungama wakwe, omfwe neshiwi lyakwe.

Imilimo ya batumwa 3:14

Yesu ali uwabuta nakambi uwalungama, kuntu mwebo mwalimukene. Mwalombele Pilato ukuti amukakwile ichipondo.

Loma 1:4

Nomba ukubona pafyakubuta kwakwe ukwabulesa, alanga nefiso ifikulu ukuba Umwana waku Lesa ukupitila mukubushiwa kubafwa.

Loma 4:25

Yesu ngu bamwipeye pamulandu wafibi fyesu. Elo bamubushishe kubafwa ukuti Lesa atubone nga abalungami.

Loma 5:2

Bashikulu Yesu Klistu ebatwiswile inshila yakuti ukupitila muchichetekelo Lesa aatupele ubwanshi ubo tuli nabo nomba. Echo tulesansamuka pakwishiba ati twakuba nobuleme bwaku Lesa.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

2 Kolinto 1:24

Tekwebati tukofwaya ukumupatikisha ifyo mulingile ukuchetekela. Ukusosa pachichetekelo chenu, muli abakosa ndi. Ulo tufwaya ukwafwilishanya namwe kwebati mube abasekelela.

2 Kolinto 13:4

Aali wanaka ulo balikumutanika pamutashi, kuntu nomba ali nobumi mufiso fyaku Lesa. Nafwebo tuli abanaka muli Ye, kuntu twakuba abomi pamo na Ye mufiso fyaku Lesa, ulo twakupyunga pakati kenu.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

Efeso 3:12

Pakuti tulachetekela muli Klistu, tungashipikisha ukufika kuli Lesa ukwambula umwenso.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 10:10

Pakuti Yesu Klistu alichitile ifyo Lesa alikufwaya ukuti achite, twasangululwa nechipupo ichamubili wakwe icho apele umuku umo bwaka.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Hebele 9:26

Achiba mfi, Klistu nga alechula inshita ishinji ukufuma apo ichalo chatalilwe. Kuntu nomba aboneka bwaka umuku umo epela panshita iyakupelako, ukuti afute amabifyo ukupitila mukuyipupila umwine.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

Yemusi 5:6

Mwapingula umulandu nokwipaya abantu abatakwetepo umulandu, abatamutalikilepo iyowo.

1 Petulo 3:19

Mumupashi mwenka aliile ukushimika kumipashi iyali muchifungo.

1 Petulo 4:1

Kubati nimfilya Klistu achulile mumubili, namwebo muyikoseleshe namalangulushi enka ngalya. Pakuba uuchula mumubili wakwe ekwebati alekana namabifyo.

1 Petulo 4:6

Echo Butumi Bwawama bwabilishiwe nokuli bo abafwa, ukwebati nangu bakapingulwe mumubili nga bantu, kuntu mumupashi babe nobumi kubati Lesa.

1 Yohane 1:9

Lelo nga twaebelela ububi bwesu kuli Lesa, ena wachishinka nakambi aba uwalungama, akatwelela ububi bwesu nokutuwamya kufyo tubifya.