1 Petulo 3:15 - Chipangano Chabwangu

¹⁵ Nomba mumitima yenu muchinshike Klistu pakuti ni Shikulu wenu. Mube abayipekanya inshita yonse ukwasuka mubufuke namumuchinshi abantu abamufumba ukulindilila kwenu.

1 Petulo 3:15 ပူးပေါင်းရင်းမြစ်များ

Imilimo ya batumwa 21:39

Paulo ayasukile ati, “Iyowo, nebo ndi Muyuda. Nafyalilwe mumushi wa Tasusi muchalo cha Silisiya. Ndi mwina mushi uwayishibikwa ukwinekantu. Napapata ndeka nsose kubantu.”

Imilimo ya batumwa 24:25

Ulo Paulo atatikile ukulondolola ifyakuchita ifiweme, ukuyilama nobushiku bwakupingulwa, Felekisi ayiketwe nomwenso. Elo aebele Paulo ati, “Pali njino nshita koya ngale. Nakukwita ulo nakubona inshita iyiweme.”

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Kolose 4:6

Ukusosa kwenu kube ukuweme inshita shonse ishakusekelesha abantu, nakambi mulingile ukwishiba ukwasuka muntu bwino.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

Hebele 6:1

Echo tushe ukusambisha ukwakwamba pafyaku Klistu, nokuya kuyakosa. Tatulingilepo nokubwekesha ukusosa pafyakulapila nokusha imilimo iyabwaka nefyo twingachetekela muli Lesa.

1 Petulo 1:17

Lesa takwatapo akapatulula. Alapingula chila muntu ukulingana nefyo achitile. Kati mukomwita ati Bata, mupeleni umuchinshi inshita shonse muli abeni panonshi.

1 Petulo 3:2

pakuti bakuyibwena benka ubwikashi bwenu ubuweme.

1 Petulo 3:4

Nomba ukuyiwamisha kwenu kube ukwamumutima mukati, ukuwamya ukutashilapo ukwamutima-nteka nowatalala. Ubumi bwamfi bwalichindama kumenso aku Lesa.