1 Petulo 3:14 - Chipangano Chabwangu

¹⁴ Nomba nangu mukoumfwa ukufinya pamulandu wakuchita ifiweme, mwakushukishiwa. Mwilokutinapo abantu nangu ukuchula mumutima.

1 Petulo 3:14 ပူးပေါင်းရင်းမြစ်များ

Mateyo 10:28

Mwitinapo abo abepaya umubili, kuntu tabakwetepo ifiso ifyakwipaya umupashi. Echo tineni uyo uwipaya umubili pamo nomupashi mumulilo uutashimapo.

Mateyo 10:31

Kanshi mwitinapo iyowo, pakuba mwebo mwalichindama ukuchila patutiti utwinji.

Mateyo 10:39

Onse uufwaya ukupulusha ubumi bwakwe, ewakubuposa, nowakuposa ubumi bwakwe pamulandu wanji, ewakubupulusha.

Mateyo 16:25

Pakuti umuntu onse uukofwaya ukupulusha ubumi bwakwe akwisa kubuposa. Nomba uyo onse uwakuposa ubumi bwakwe pamulandu waku nebo, ewakubupulusha.

Mateyo 19:29

Na uyo onse uwasha inanda, nangula bawabo, nangula inkashi, nangula bawishi, nangula banyina, nangula abana, nangula amabala pamulandu wakunebo, akupokelelapo ifinji ukwinekantu ukuchila ifyo ashile. Akupokelela ubumi butapwa.

Maliko 10:29

Yesu alibebele ati, “Nachine nkomweba ati, takupo nangu umo uwasha inanda yakwe, bawakwe, bankashi shakwe, banyina, bawishi, abana, namabala, pamulandu waku nebo napamulandu wa Butumi Ubwawama,

Maliko 8:35

Pakuti umuntu onse ukofwaya ukupulusha ubumi bwakwe, eukoyisa kubuposa. Nomba uyo onse uwakuposa ubumi bwakwe pamulandu waku nebo no Butumi Bwawama, ewakubupulusha.

Yohane 14:1

“Imitima yenu yisakamikwa. Chetekeleni muli Lesa nakambi chetekeleni muli ne.

Yohane 14:27

“Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

Imilimo ya batumwa 9:16

Elo nebo nenka nakumulanga ifintu fyonse ali nokuchula pamulandu waku nebo.”

2 Kolinto 12:10

Echo ndasekelela ulo ndiwanaka, abantu bakontuka, bakomfinya, nolo nkoumfwa ukutinya namafya onse pamulandu waku Klistu. Pakuba ulo ndiwanaka, elo ndi nefiso.

Filipi 1:29

Pakuba alimupela ishuko, telyakuchetekela bwaka, kuntu nokumfwa ukufinya pamulandu wakwe.

Yemusi 1:12

Alishuka umuntu uushipikisha panshita ulo eshekwa, pakuti ulo achimfya akupokelela ingala yabumi iyo Lesa alayile ukupela kuli bo abamutemwa.

Yemusi 5:11

Tubeta ati, “Abashuka,” pantu bashipikishe. Mwalyumfwa ukushipikisha kwakwa Yobe, nakambi mwalibona ifyo Bashikulu bamuchitile kumupwilo! Pakuti Bashikulu bachisa nenkumbu.

1 Petulo 3:6

Efyo Sala alikunakila Abulahamu nokumwita ati, “Bashikulu wanji.” Echo namwe muli bana bakwa Sala nga mukochita ifyalungama ukwambula ukutina ichili chonse.