1 Petulo 3:10 - Chipangano Chabwangu

¹⁰ Amalembo asosa ati, “Onse uufwaya ukutemwa ubumi, nokubona inshiku ishiweme, akanye ululumi lwakwe ukusosa ifibi, nemilomo yakwe ukusosa ubufi.

1 Petulo 3:10 ပူးပေါင်းရင်းမြစ်များ

Mateyo 19:17

Naye amwasukile ati, “Mba nindo wamfumbila pachintu ichiweme? Uuweme Umo bwaka. Nomba nga akofwaya ukukwata ubumi butapwa ulokukonka amafunde akwe.”

Maliko 8:35

Pakuti umuntu onse ukofwaya ukupulusha ubumi bwakwe, eukoyisa kubuposa. Nomba uyo onse uwakuposa ubumi bwakwe pamulandu waku nebo no Butumi Bwawama, ewakubupulusha.

Yohane 1:47

Ulo Yesu abwene Natanayeli akoyisa kuli Ye, asosele nefya kungulya ati, “Ngu mwina Isilaeli mwinenene, muli ye tamupo ubuchenjeshi!”

Yohane 12:25

Onse uukotemwa ubumi bwakwe akubulufya, na onse uukopata ubumi bwakwe muli nchino chalo akuba nobumi butashila.

Yemusi 1:26

Nga chakuti kuli umuntu uukoyilanguluka ukuti alalomba Lesa, elo tasungapo akanwa kakwe, ukulomba kwakwe kwabwaka nakambi akoyibepapo.

1 Petulo 2:1

Echo posenipo ububi bonse, ubuchenjeshi bonse, bumbi-munda, mufimbila, nolwambo ululi lonse.

1 Petulo 2:22

Ye tabifishepo nangula ukusosa ubufi.

Ukufisulula 14:5

Elo tababepelepo ubufi nangu panini iyowo. Echo tabakwetepo akabi.