1 Petulo 2:5 - Chipangano Chabwangu

⁵ Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Petulo 2:5 ပူးပေါင်းရင်းမြစ်များ

Loma 12:1

Nomba, mwe bawesu, pakuti Lesa atukwatila ichisa ichikulu mfi, nkomupapata ukuti mupele imibili yenu nga ichipupilo ichabumi, ichabuta nakambi ichisekesha Lesa. Nji enshila inenene yakulombelamo Lesa.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

1 Kolinto 3:16

Napo mwebo tamwishibilepo ati muli inanda yaku Lesa, nokuti Umupashi waku Lesa wikala muli mwe?

1 Kolinto 3:9

Pakuba fwebo tuli abapyungi baku Lesa, mwebo muli ibala lyakwe Elo muli nanda yaku Lesa.

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

2 Kolinto 6:16

Mba inanda yaku Lesa ingalingana shani natungosa wakubasa? Fwebo tuli nanda yaku Lesa uwabumi kubati nimfilya umwine asosele ati, “Nakuba pakati kabantu banji, elo nakwikala nabo. Nakuba Lesa wabo, elo nabo bakuba abantu banji.”

Galatiya 6:10

Echo ulo tulineshuko, lekeni tuchite ifiweme kubantu bonse, ukuchilapo kuli bawesu mbalya abachetekela.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 2:17

Nalimo umulopa wanji wakwitilwa kubati chipupo ichipelwa nechichetekelo chenu kuli Lesa. Kati efyo chili, nkosangalala, elo nakusangalala pamo namwebo bonse.

Filipi 4:18

Nalifipoka fyonse, elo nafifula. Nalikwata fyonse ifyo nkabila nomba pakuti napokelela kuli Epafuloditasi ifyabupe ifyo mwantumine. Fili kubati ipupo ilyabwema ubwanunkila, kubati ipupo ilyo Lesa apokelela, ilimusekesha.

Kolose 3:17

Nafyonse ifyo musosa nokuchita, filokuchitilwa mwishina lyaku Bashikulu Yesu, emo mulokutotelamo Lesa Wishi.

1 Timoti 3:15

Nomba nga nachelwa ukwisa, ifyo nalemba muli kalata nji fyakukutangilila ifyo abantu balingile ukwikala munanda yaku Lesa umumi. Chilonganino eling’umba nomufula uwafyachine ifyaku Lesa.

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

1 Petulo 4:17

Nomba inshita yafika iyakuti Lesa apingule abantu bakwe. Nga ukupingulwa kwakutatikila pabantu bakwe, mba chakuba shani kuli bo abatomfwa Ubutumi Bwawama bwaku Lesa?

Ukufisulula 1:6

Ye atupangile ukuba bashamfumu ukuti tupyungile Lesa Wishi kubati bachipupila. Kube umuchinshi nefiso kuli Yesu Klistu inshita shonse. Ameni.

Ukufisulula 20:6

Balishuka nakambi balibuta abo abakubuka pakubuka kwakwamba nku. Imfwa yachibili tayikwetepo ifiso pali bo, kuntu bakuba bachipupila baku Lesa nabaku Yesu Klistu. Elo bakutungulula nakwe imyaka ikana limo.

Ukufisulula 3:12

Onse uwakuchimfya, nakumupanga ukuba ichitebe munanda yaku Lesa wanji, takafumemo iyowo. Pali ye nakulembapo ishina lyaku Lesa wanji nelyamusumba wanji, ekuti Yelusalemu wabwangu, ukafuma kumulu kuli Lesa wanji. Pali ye nakulembapo nakambi ishina lyanji ilyabwangu.

Ukufisulula 5:10

Mwalibaalula ukuba imfumu, nabachipupila abakubombela Lesa wesu. Echo bakutungulula panonshi.”