1 Petulo 2:25 - Chipangano Chabwangu

²⁵ Pakuba mwali kubati imbelele ishalubile, kuntu nomba mwabwelela kuli chembela uukosunga ubumi bwenu.

1 Petulo 2:25 ပူးပေါင်းရင်းမြစ်များ

Mateyo 18:12

“Nga mwebo mukolangulukapo shani? Nga umuntu alikwete imbelele umwanda umo, elo imo yaluba, napo tekuti ashepo isho ishili amakumi asano na ane nashisano nashine nokuya kufwaya njilya iilubile?

Mateyo 9:36

Ulo abwene amabumba abantu, aliyakwatile inkumbu pantu bali abanaka nokuchula kubati nimbelele ishitakwetepo chembela.

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

Hebele 5:2

Pakuti umwine ali uwanaka engakwatilako inkumbu bo abateshibilepo akantu, abaluba.

1 Petulo 3:20

Mipashi njilya yabantu abataumfwile ulo Lesa alindilile nomutima wakushipikisha panshita Nowa alikupanga ingalaba. Mungalaba njilya abantu abanono bwaka, basano nabatatu, ebapulukile kumenshi.

1 Petulo 5:4

Nomba ulo Chembela mukulu akuboneka mwakupokelela ichilambu ichitafota ichamuchinshi.