1 Petulo 2:24 - Chipangano Chabwangu

²⁴ Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

1 Petulo 2:24 ပူးပေါင်းရင်းမြစ်များ

Mateyo 27:26

Penkapo Pilato abakakwile Balabasi. Elo apingwile ukuti Yesu bamupande ifikoti, elo panuma bakamusamike pamutashi.

Mateyo 5:20

Echo nkomweba ati, ukuchetekela kwenu kati takuchililepo ukwabasambishi ba Mafunde akwa Mosesi nokwa Bafalisi, tamwakenjilemo mubufumu bwakumulu.

Mateyo 8:17

Achitile mfi pakuti chifikilishiwe ichasosele umusoseshi Esaya ati, “Ewatufumishe mukuchula nokuposha amalwele esu.”

Maliko 15:15

Pakufwaya ukusekesha ibumba, Pilato abakakwile Balabasi, Yesu ye abebele ukuti bamupame ifikoti, elo abalubulwile ukuti baye bamusamike.

Luka 4:18

“Umupashi waku Lesa uli pali nebo, pakuti alinsuba ukuti nkabilishe, Ubutumi Bwawama kubachula. Alintumine ukubile imbila iyakuti bakakulwe abakakwa, nakambi nempofu ukuti shibone, nokulubula bo abasulwa.

Yohane 1:29

Pakasuba kakonkelepo, Yohane Mubatishi abwene Yesu akoyisa kuli Ye. Elo asosele ati, “Boneni, ngulya e Mwana Wambelele waku Lesa uupinta amabifyo abantu bonse!

Yohane 19:1

Penkapo Pilato asosele kubantu ukumufumya Yesu nokumukupula.

Imilimo ya batumwa 10:35

Alapokelela umuntu uli onse uumulomba nokuchita ifyalungama ukwambula ukulolesha pamutundu wakwe.

Imilimo ya batumwa 10:39

Fwebo tuli bakamboni muli fyonse ifyo Yesu achitile mu Yelusalemu namuchalo chonse icha Bayuda. Elo bamwipeye pakumusamika pamutashi.

Imilimo ya batumwa 13:29

Ulo bapwile ukuchita fyonse ifyalembelwe pamulandu wakwe, abakusambila bakwe bamusamwine pamutashi nokuya mushika mumanda.

Imilimo ya batumwa 5:30

Lesa wafikolwe fyesu abushishe Yesu kubafwa, uyo mwayipeye pakumusamika pamutashi.

Loma 6:11

Munshila imo yenka mulingile ukuyilangulukila mwenka ukuti mwalifwa kububi, kuntu muli ababumi kuli Lesa muli Bashikulu Yesu Klistu.

Loma 6:13

Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.

Loma 6:16

Mwalishiba ukuti nga mwayipela ubusha kumuntu umbi nokumumfwila, penkapo mwaba abasha bamuntu ngulya mukoumfwila. Nga mwaba abasha babubi, mwakwisa kufwa. Nomba nga nimwebo abasha baku Bashikulu, mwakulungamikwa.

Loma 6:2

Nangu panini! Fwebo twalifwa kukubifya, mba nindo twingekalilila mukuchita ububi?

Loma 6:22

Nomba mwalilubulwa kububi, echo kamupyungila Lesa, nechilambu chenu bumi ubwakwipelesha kuli Ye. Elo kumupwilo mwakupoka ubumi butapwa.

Loma 6:7

Pakuba umuntu nga afwa akakulwa kufiso fyakubifya.

Loma 7:6

Nomba twalikakuka kwifunde ndi. Ina, twalifwile kwifunde ilyatukakile. Nomba Umupashi Wabuta ulatwafwa ukupyungila Lesa munshila iyabwangu, tenshilapo iyakale iyakulama bwaka ifunde ilyalembwa.

1 Kolinto 15:3

Pakuba amashiwi aakulu ayo namusambishe eyekayo nandibo napokele. Amashiwi nga yakwebati Klistu afwilile amabifyo esu kubati ifyo Amalembo asosa.

2 Kolinto 6:17

Echo Bashikulu bakoti, “Fumenipo pali bo, ipatuleni kuli bo. Mwikumyako kukantu akakowela, elo nakumupokelela.”

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

Efeso 5:9

Pakuba apali ukusanika pasangwapo ubune, ubulungami nefyachine fyonse.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Kolose 2:14

Alifuta Amafunde alembelwe ayalikutushinina. Aliafumyapo nokwapampamina pamutashi.

Kolose 2:20

Mwebo mwafwila pamo na Klistu, nakambi mwalilubulwa kubusha bwamipashi yamulwelele. Kanshi chindo icho mwikalila nga abantu banchino chalo? Chindo icho munakilila kumafunde asosa ati,

Kolose 3:3

Pakuba mwebo mwalifwa, nobumi bwenu bwalisungwa pamo na Klistu muli Lesa.

Hebele 10:10

Pakuti Yesu Klistu alichitile ifyo Lesa alikufwaya ukuti achite, twasangululwa nechipupo ichamubili wakwe icho apele umuku umo bwaka.

Hebele 10:5

Pamulandu ngu, echo Klistu, ayishile panonshi, alisosele ati, “Webo Lesa taufwayapo ifipupo nobupe, kuntu walimpekanishisha umubili.

Hebele 12:13

Twalilileni ukwenda munshila iilungeme ukuti onse uulemene amakasa elokusuntapo, kuntu yapole.

Hebele 7:26

Chiweme ukuti tube nakwe Chipupila Mukulu uwalungama, uutakwetepo akalema nangula ububi ubuli bonse, uwapusana nembifi nakambi uwasumbulwa ukuchila fyonse ifyakumulu.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

Yemusi 5:16

Echo fisululeni amabifyo enu onse kuli bawenu nokulombela umo nomunakwe. Ukulomba kwamuntu uwakaele kwalikwata ifiso ifikulu.

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

1 Yohane 3:7

Mwileka umuntu amubepe bana banji. Umuntu onse uuchita ifyaololoka aaba uwaololoka kubati ni Klistu.

Ukufisulula 22:2

Walikuchilinganya pakati kamusebo uwamumusumba. Pambali shibili ishanika palipo ichiti chimo chipela ubumi. Ichiti nchi chitwala ifitwalo umuku umo pamweshi umo-umo pamwaka umo. Amabula akuposhako abantu bamitundu yonse.