1 Petulo 2:21 - Chipangano Chabwangu

²¹ Ubwikashi mbu ebo Lesa amwitile. Pakuba Yesu naye alyumfwile ukufinya pamulandu wenu. Elo amushilile ichibwenesho ukuti mukonke.

1 Petulo 2:21 ပူးပေါင်းရင်းမြစ်များ

Mateyo 10:38

Onse uyo uutapintapo umutashi wakwe nokunkonka, talingilepo ukuba uwakusambila wanji.

Mateyo 11:29

Pinteni ikoli lyanji, elo musambilile kuli nebo, pantu ndiwayichefya nokufuka umutima, elo mwakusanga ukutusha mumitima yenu.

Mateyo 16:24

Elo Yesu asosele kubakusambila bakwe ati, “Umuntu kati akofwaya ukunkonka ayikanye umwine nokupinta umutashi wakwe, elo ankonke.

Luka 24:26

Kanshi tachaweme Uwasubwa waku Lesa ukuti achulile mfi fintu, elo enjile mumuchinshi wakwe?”

Yohane 13:15

Nebo nachita ichakubwenapo kuli mwe. Echo namwe mulingile mulokuchita ukubati ifyo nebo namuchitila.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Imilimo ya batumwa 17:3

Alikubalondolwela ifya Mumalembo nokubalanga ukuti Uwasubwa waku Lesa ali nokuchunshikwa nokubuka kubafwa. Paulo alikubeba ati, “Ngu Yesu nkomushimikila e Wasubwa waku Lesa.”

Imilimo ya batumwa 9:16

Elo nebo nenka nakumulanga ifintu fyonse ali nokuchula pamulandu waku nebo.”

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

1 Kolinto 11:1

Mulokutenteka nebo ukubati ifyo ntenteka Klistu.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Filipi 2:5

Echo bonse mube nomutima uwo Klistu Yesu akwete:

1 Tesalonika 3:3

Elo nokuti kwibapo nangu umo ungabwelela kunuma pamulandu wamachushi nga. Mwebene mulishibile ukuti amachushi aya mfi akochitika mukufwaya kwaku Lesa mwine.

1 Tesalonika 4:2

Pakuti mulishibile ifilangililo twamupele ifyafumine kuli Bashikulu Yesu.

2 Timoti 3:12

Nachine bonse abakofwaya ukuba nobumi ubwakumfwila Lesa muli Klistu Yesu, bakuchushiwa.

Hebele 2:10

Pakuti Lesa e Kabumba uwafintu fyonse, elo fyonse filingile kuli Ye, chalimuwamina ukwebati achite Yesu ukuba intungulushi iyafikapo ukupitila mufyakufinya. Munshila nji alifisha abana bakwe abenji kumuchinshi, pakuti Yesu emutanjishi kuchipulusho.

1 Petulo 1:20

Lesa alimusalile kabela ukuti akapyunge umulimo ngu talatala ichalo. Nomba inshita njino yakumupwilo aliibwenesha kuli mwe pamulandu wenu.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Petulo 3:9

Mwibweleshapo ububi pabubi bunakwe, nangula amatuka pamatuka. Nomba mwebo mubashukishe pakuba efyo Lesa amwitile mubwikashi mbu ukwebati mupokelele ukushukisha kwakwe.

1 Petulo 4:1

Kubati nimfilya Klistu achulile mumubili, namwebo muyikoseleshe namalangulushi enka ngalya. Pakuba uuchula mumubili wakwe ekwebati alekana namabifyo.

1 Petulo 4:13

Mulokusangalala pantu mukochulako kubati ni Klistu ukwebati nga umuchinshi waboneka mukasangalale ukwinekantu.

1 Yohane 2:6

Uuli onse uusosa ukuti ali mwisenge na Lesa, alingile ukwikala ukubati nimfilya Yesu Klistu ayikele.

1 Yohane 3:16

Mfi efyo twayishibila ukutemwa ifyo kwaba: Klistu apele ubumi bwakwe kuli fwebo. Nafwebo tufwile ukupa ubumi kuli bawesu.

Ukufisulula 12:11

Bawesu balichimfishe nomulopa wa Mwana wambelele, namashiwi ayachine ayo balikubilisha. Bo baliyipele ukufikapo, ichakwebati tabali kutinapo nokufwa.