1 Petulo 2:2 - Chipangano Chabwangu

² Kubati tucheche utukofunga ibele, namwebo mufunge ibele ilinenene ukwebati umukushe nokumufikisha kuchipulusho.

1 Petulo 2:2 ပူးပေါင်းရင်းမြစ်များ

Mateyo 18:3

nokuti, “Nachine nkomweba ati, nga tamuli kubati twana tunini, tamwakenjilemo mubufumu bwakumulu.

Mateyo 19:14

Elo Yesu asosele ati, “Lekeni abana banini bese kuli nebo, mwibakanyapo, pakuti Ubufumu bwakumulu bwaku bo abali nga mba.”

Maliko 10:15

Nachine nkomweba ati, uyo onse uutapokelapo Ubufumu bwaku Lesa ukubati akana, tayise kwinjilamo.”

Luka 18:17

Nachine nkomweba ati, onse uutakopokelelapo Ubufumu bwaku Lesa ukubati akana, tayise kwinjilamo nangu panini iyowo.”

Loma 6:4

Echo mulubatisho lwesu, twashikilwe pamo na Ye nokuba mumfwa yakwe ukwebati kubati nimfilya Bata bamubushishe kubafwa nefiso fyabo, elo nafwe tube nobumi bwabwangu.

1 Kolinto 14:20

Bawesu, lekeni ukulanguluka nga utwaiche. Ukulosha kububi mube utucheche, nomba mukulanguluka kwenu, mube abakulu.

Efeso 2:21

Muli Ye inanda yonse yalimakwa, elo ikokulilako kuti ibe inanda yabuta iyaku Bashikulu.

Efeso 4:15

Ekuti pakusosa ichine nomutima wakutemwa, twakukula pali fyonse muli Klistu. Ye emutwi wesu,

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

1 Petulo 1:23

Pakuba mwebo mwalifyalwa libili, tekumbutopo ishonayika, kuntu kuyitonayika iyaba Mashiwi aku Lesa aabumi aabelelele.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.