1 Petulo 2:19 - Chipangano Chabwangu

¹⁹ Pakuba chiweme nga umuntu, pamulandu wakulanguluka Lesa, akoshipikisha pakuchushiwa ifyo talingile.

1 Petulo 2:19 ပူးပေါင်းရင်းမြစ်များ

Luka 6:32

“Nomba kati mukotemwa bwaka abantu abamutemwa, lishuko ndo mwingabwenamo? Pakuba ababi nabo balatemwa ababatemwa!

Yohane 15:21

Nomba mfi fyonse bakumuchitila mwebo pamulandu weshina lyanji, pakuti tabakomwishiba uyo uwantumine.

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Loma 13:5

Echo mulingile ukumfwila intungulushi, temukutinapo Lesa bwaka, kuntu mulishibile mumitima yenu ukuti mulingile ukuchita nchi.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 8:1

Mwe bawesu, tukofwaya ati mwishibe ifyo Lesa ashukishe ifilonganino fyaku Masedoniya.

2 Timoti 1:12

Echo nkochulila mfi. Nangu chibe mfi, nshuumfwapo insoni iyowo pakuti ndimwishibile uyo nachetekela. Elo nalishininkisha ukuti kuti ansungisha bwino ukufikila pakasuba kabupingushi ifyo ampele ukuti nsunge.

Hebele 10:2

Abantu abalomba Lesa nga baliwamishiwa ukufikapo, nga tabayumfwa ukuti nimbifi, elo nga tabaletapo ifyakupupila.

1 Petulo 2:20

Mba chilambu ndo mungabwenamo kati bakomupama pamulandu wakubifya kwenu? Nomba nga mukoshipikisha ukupamwa pakuti mwachita ichiweme, ekwebati mwachita ichisekesha Lesa.

1 Petulo 4:15

Pesangwapo nangu umo pali mwebo ukochula pamulandu wakwipaya umuntu, nangu ukwiba, nangu ukuchita ichibi nangu ukwinjilila ifyabene.