1 Petulo 2:16 - Chipangano Chabwangu

¹⁶ Ikaleni kubati bantu ababwanalale, kuntu mwiyalula ubwanalale bwenu ichakufimba pafibi fyenu. Ikaleni nga abapyungi baku Lesa.

1 Petulo 2:16 ပူးပေါင်းရင်းမြစ်များ

Mateyo 23:13

“Ishamo kuli mwebo mwe basambishi ba Mafunde na Bafalisi, mwe bakutumpayika! Mulesala pamulyango wabufumu bwakumulu pakuti abantu bayinjilamo. Namwe tamwinjilamo, elo nabo abakofwaya ukwinjilamo mulabakanya. [

Yohane 15:22

Nga chakuti nshayishile nokusosa nabo nga tabali nako ukubifya. Nomba tabakwetepo ichakusosa pakubifya kwabo.

Loma 6:18

Nomba mwalikakulwa kububi, elo muli basha abasekesha Lesa.

Loma 6:22

Nomba mwalilubulwa kububi, echo kamupyungila Lesa, nechilambu chenu bumi ubwakwipelesha kuli Ye. Elo kumupwilo mwakupoka ubumi butapwa.

1 Kolinto 7:22

Pakuba umuntu uwali musha ulo bamwitile Bashikulu, ye muntungwa wa Bashikulu. Chimo chine, uwali umuntungwa naye bamwitile, musha waku Klistu.

Galatiya 5:1

Klistu alitukakula ukwebati tube abakakuka ukufikapo. Echo imakaneni ndii ukwambula ukusuminisha ukukakwa nakambi kwijoko lyabusha.

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.

Efeso 6:6

Mulokuchitapo bwaka ulo bakomulondapo, kubati mukofwaya ukusekesha abantu. Nomba nga abasha baku Klistu, muchite nomutima onse ifyo Lesa afwaya.

Kolose 3:24

Mulokwibukisha ukuti Bashikulu bakumulambula fyonse ifyo balayile abantu babo. Muli fyonse mfi ni Klistu Bashikulu benu epela ebo mupyungila.

1 Tesalonika 2:5

Ukubati nimfiya mwayishiba, tatwayishile kuli mwe namashiwi akumunasha nangu ayakwichingilila kubunkalwe bwesu iyowo. Lesa ekamboni wesu.

Yemusi 1:25

Amafunde aku Lesa alilungama, elo alapela ubumi. Umuntu uulolekesha mumafunde nga nokushipikisha muli wo, tomfwa bwaka, nokulabukila, kuntu aleyakonka, Lesa akumushukisha muli fyonse akochita.

Yemusi 2:12

Echo musose nokuchita ifintu ukubati bantu abo Lesa akupingula namafunde ayo ayamupela ubwanalale.

2 Petulo 2:19

Balabalaya ubwinalale, apo bena basha abafintu ifyonaula. Pakuba umuntu alaba umusha wachintu icho ichamuchimfya.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.