1 Petulo 2:12 - Chipangano Chabwangu

¹² Muchenjele nefyo mwikala nabantu abatachetekela, ichakuti nangu basose ati imilimo yenu mibi, kuntu babone ukuti iiweme. Elo bakuchinshika Lesa pakasuba ako akwishilamo.

1 Petulo 2:12 ပူးပေါင်းရင်းမြစ်များ

Mateyo 10:25

Chiweme ukwebati uwakusambila alingane nomusambishi wakwe, elo umusha naye alingane nabashikulu bakwe. Kati umukulu wananda bamwita ati ni Belesebule, palibufi abamunanda yakwe?

Mateyo 5:11

“Mwalishuka mwebo ulo abantu bakomusuula, bakomuchusha, bakomweba ifibi fyonse nokumubepesha ubufi pamulandu wanji.

Mateyo 5:16

Efyo bwenesheni ukusanika kwenu pamenso abantu ukuti babone imilimo yenu iiweme, ukwebati bachinshike Bashinwe bamumulu.

Mateyo 9:8

Ulo abantu babwene mfi, balitinine. Elo bachinshikile Lesa uwapela abantu insambu ishili nga mfi.

Luka 1:68

“Kabatotwe Bashikulu, Lesa waku Isilaeli! Pakuti ayisa kwafwilisha abantu bakwe, elo abapela ubwanalale.

Luka 19:44

Bakwisa kutobaula umusumba nokwipaya abantu bobe. Tabayise kushapo ibwe nangu limo pamulu walinakwe, pakuba tawayishibilepo inshita iyo Lesa ayishile mukukupulusha!”

Luka 6:22

“Mwalishuka mwebo ulo abantu bakomupata nokumusula, bakomutuka nokumweba ati muli babi pamulandu wa Mwana wa Muntu!

Yohane 13:31

Panuma ulo Yuda ayile, Yesu asosele ati, “Nomba Mwana wa Muntu wachinshikwa, nomba Lesa naye achinshikilwa muli Ye.

Imilimo ya batumwa 15:14

Simoni Petulo alishilile ukusosa mpa ifyo Lesa alangile abenafyalo ukuti alabasakamana ukupitila mukusala bambi abaku bo nokubalenga ukuba abantu bakwe.

Imilimo ya batumwa 24:13

Elo takupo nangu umo uwakunshinina pali mwebo pamulandu ngu bakonjebelela.

Imilimo ya batumwa 25:7

Ulo Paulo afikile, Abayuda abafumine ku Yelusalemu balimakene nokumushinguluka. Batatikile nokumubepesha imilandu iinji iikulu, kuntu bafililwe ukushininkisha ati yachine.

Imilimo ya batumwa 28:22

Elo tukofwaya ukuyumfwila kufyo ukolanguluka. Pakuba fwebo tulishibile ukuti konse-konse bwaka abantu basosa ifyabipa pebumba ndi webo wabamo.”

Loma 12:17

Nga umuntu umo amuchitila ichibi, mwimulandulapo. Mulokuchita ifyo abantu bengasuminisha ukuti fiweme.

Loma 13:13

Tulokwenda nga bantu abali mukasuba. Kwibapo bukabundulu nangu buchakolwa, ubulale-lale nangu bumbifi, ulubuli nangu umufimbila.

Loma 14:18

Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

Loma 15:9

nokupela abenafyalo ichintu ichakuchinshikilapo Lesa pamulandu wabwanshi bwakwe. Chili kubati nimfilya Amalembo asosa ati, “Nakukutondayisha pakati kabenafyalo, nakwimba inyimbo ishakukutondayishapo.”

1 Kolinto 14:25

elo ifyamumutima wakwe fyakuboneka apatubile tuutu. Elo akuwa panshi mukulomba Lesa. Akusuminisha ukuti, “Nachine Lesa ali pali mwe!”

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 13:7

Tukolomba Lesa ukuti mwichitapo ichibi nangu chimo. Tekwebati fwebo tuboneke nga abachimfya, kuntu ukuti mwebo muchite ifilingile, nangu fwebo nga abakangiwa.

2 Kolinto 8:21

Fwebo tukofwaya ukuchita ifiweme, tepamensopo aku Bashikulu bwaka, kuntu napamenso aabantu.

Efeso 2:3

Panshita njilya yenka nafwebo bonse twali nobumi ubwabuntunse. Twalikukonkelela ulunkumbwa lwamikalile yesu iyakutemwa ifyabipa. Twalikuchita ifili fyonse ifyo twalikufwaya. Echo, muchifyalilwa chesu, twalilingile ukupokelela ubukali bwaku Lesa nga abantu bambi bonse.

Efeso 4:22

Echo muleke imyendele yenu iyakale, ubumi bwenu mbulya ubwalikonaika pamulandu uwalunkumbwa ulwabufi.

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

Filipi 4:8

Pakupwa mwe bawesu, langulukenipo fyonse ifiweme ifyo mungatondayisha: ifyachine, ifyamuchinshi, ifyalungama, ifyaololoka, ifiweme, elo nefyachindama.

1 Tesalonika 4:12

Muli nji nshila, abashachetekela bakumupela umuchinshi, elo tamwakachebepo kumuntu umbi kufintu ifyo mukokabila.

1 Timoti 2:2

Lombeleniko imfumu nabonse abali mubutungulushi ukuti bende mumutende, mubuleme namukuchinshika.

1 Timoti 4:12

Kwibapo umuntu nangu umo uwakukusuula pantu uli umulumbwana. Nomba ube ichakubwenako kuba Klistu bonse mukusosa kobe, mumyendele, mukutemwa, muchichetekelo namukubuta umutima.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

Hebele 13:18

Mulokutulombelako nafwe. Pakuba tuli namalangulushi ayaweme ayakufwaya ukuchita ifyalungama.

Hebele 13:5

Mwilokutemwa indalama, kuntu sekeleleni kufyo mukwete. Pakuti Lesa asosele ati, “Nshakamushepo nangula ukumulekelesha iyowo.”

Yemusi 3:13

Ninani pali mwe uuli nomulangwe nokumfwikisha? Ayilange enka ukupitila mumikalile yakwe iiweme, namuli mfilya achita ifyamulangwe mukuyichefya.

1 Petulo 2:15

Pakuba Lesa akofwaya ati nemilimo yenu iiweme mutalalike ukusosa kwabatayishiba, ukwabantu abapuneme.

1 Petulo 3:16

Ikaleni nomutima uwabula akantu ukwebati abo abakomusuula pamulandu wamibele yenu iiweme muli Klistu mubanshe nsoni.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

2 Petulo 3:11

Nomba pakusanga ukuti ifintu fyakuba mfi, mulingile ukuba abantu bamusango shani? Mulingile ukwikala ababuta mukulomba kwenu.