1 Petulo 1:4 - Chipangano Chabwangu

⁴ ukuti tukapokelela ifyalayilwe ifiweme ifitaonayika, ifitabifiwa nefitangabosa ifyo Lesa akomusungila kumulu.

1 Petulo 1:4 ပူးပေါင်းရင်းမြစ်များ

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Maliko 10:17

Ulo Yesu alikuya, umwalalume umo alimubutukile, ayile kufukama pantanshi yakwe, nokumufumba ati, “We musambishi uuweme, chindo ningachitapo ukuti nkapoke ubumi butapwa?”

Imilimo ya batumwa 20:32

“Nomba namupela kuli Lesa nakumashiwi aasosa ubwanshi bwakwe. Ye ukuti amukoselesha nokumushukisha kuli fyonse ifyo Lesa ateyanishisha abantu bakwe.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 8:17

Pakuti nomba tuli baku Lesa, twakupokelela ishuko, ina, ishuko ilifuma kuli Lesa. Kati tukochula pakuti tuli abena Klistu, twakupokelela umuchinshi pamo na Ye.

1 Kolinto 9:25

Uuli onse uuchimfyana mulubilo alayikanya kuli fyonse. Ye alachita mfi ukuti apoke ingala iyonayika, nomba fwe tulachita ukuti tukapokelele ingala iitashila.

Galatiya 3:18

Nga Lesa ashukisha umuntu pamulandu wakuti alama Amafunde, ekwebati ukushukisha nku takwapelwepo pamulandu wachilayo iyowo. Nomba Lesa ashukishe Abulahamu pakuti alayile ukuchita nchi.

Efeso 1:11

Ifintu fyonse filachitika kubati ifyo Lesa afwaya nakambi kubati nimwenka umo afipekanishishe. Ye alitusalile muli Klistu ukuba abana bakwe abenenene.

Efeso 1:14

Umupashi Wabuta echishininkisho chakwebati twakupoka ifyo Lesa atulayile. Nakambi nchi chikoshininkisha ati Lesa akupa ubwanalale kubantu bakwe. Nomba katuchinshike ubuleme bwakwe.

Efeso 1:18

Nkolomba nakambi ukuti Mupashi Wabuta usanike mumitima yenu pakuti mwishibe ifyo Lesa amwitile. Mwishibepo neshuko ilikulu iliweme alayile abantu bakwe.

Kolose 1:12

Echo nkolomba ukuti mulokutotela Lesa Bata, uwamulenga ukuba abalinga ukukwatako ifintu Lesa amubikila mubufumu bwakusanika.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Kolose 3:24

Mulokwibukisha ukuti Bashikulu bakumulambula fyonse ifyo balayile abantu babo. Muli fyonse mfi ni Klistu Bashikulu benu epela ebo mupyungila.

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

Hebele 10:34

Mwalikwete inkumbu pali bo abali muchifungo. Nambalya abalikumupoka ububoni bwenu mwalikubaleka bwaka, pakuti mwalishibile ukuti mwebo mwali nobuboni ubwachilapo ubutapwapo.

Hebele 9:15

Pamulandu wamfi Klistu ekapekanya wachipangano chabwangu ukuti abo Lesa ayita bapokelele ishuko ilitashilapo ilyo Lesa alayile. Fyali mfi pamulandu wamfwa yaku Klistu, iipulusha abantu kumabifyo ayo balikuchita ulo bali muchipangano ichakale.

Yemusi 1:11

Pakuti akasuba kalatula. Elo kalocha isani. Amaluba ayayiko aloma nokulukutila panshi. Ubune bwamaluba nga bulashila. Munshila imo yenka, umusambashi akushila ulo akopyunga umulimo wakwe.

1 Petulo 3:9

Mwibweleshapo ububi pabubi bunakwe, nangula amatuka pamatuka. Nomba mwebo mubashukishe pakuba efyo Lesa amwitile mubwikashi mbu ukwebati mupokelele ukushukisha kwakwe.

1 Petulo 5:4

Nomba ulo Chembela mukulu akuboneka mwakupokelela ichilambu ichitafota ichamuchinshi.

Ukufisulula 21:27

Nomba mumusumba ngu tamwakenjilemo akantu nangu kanini akabipa nangula abantu bachita ifyansoni, nangula ababufi. Abantu abakwinjilamo nimbalya abakwete amashina ayalembwa mwibuku ilyabumi ilya Mwana wambelele.