1 Petulo 1:22 - Chipangano Chabwangu

²² Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

1 Petulo 1:22 ပူးပေါင်းရင်းမြစ်များ

Yohane 15:17

Ifunde lyanji lyakuti, mutemwane.

Yohane 15:3

Mwebo muli abawamikwa kale muli nga mashiwi nsosele kuli mwe.

Yohane 17:17

Balengeni ukuba abenu ukupitila mukwebesha, pakuti amashiwi enu ekwebesha.

Yohane 17:19

Pamulandu wabo nkoyipela kuli mwebo ukuti nabo bakayipele bonse kuli mwebo mukwebesha.

Imilimo ya batumwa 15:9

Lesa talangilepo akapatulula pakati kesu nabenafyalo. Alungamikile imitima yabo pantu balichetekele.

Imilimo ya batumwa 6:7

Elo amashiwi aku Lesa afikile konse-konse, nempendwa yabena Klistu yalikukulilako mu Yelusalemu. Nabo bachipupila abenji balichetekele.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Loma 2:8

Nomba bonse abafitala, abatomfwilapo nokuchita ifitalungama, Lesa akubapela umulandu mubukali bwakwe.

Loma 8:13

Nga mwayikala mukusekesha ifyabuntunse bwenu, mwakwisa kufwa. Nomba mukutungululwa no Mupashi Wabuta mwasha ukufwaya ifyabuntunse, mwakuba nobumi.

2 Kolinto 6:6

Nakambi tulayilanga ukuti tuli bapyungi baku Lesa mukuba abapatulika, mukwishiba ifintu ukufikapo, mukushipikisha, munkumbu, mu Mupashi Wabuta namukutemwa ukufikapo.

Galatiya 3:1

Mwe abena Galatiya bapuneme! Mba nibani abamulowele? Ulo twamusambishe ifyaku Yesu Klistu, twalondolwele bwino-bwino ifyo bamusamikile pamutashi.

Galatiya 5:5

Nomba kuli fwebo, pakuti twalipokelela Umupashi Wabuta, tukololela ukuti Lesa akatupokelela nga abalungama ukupitila mukuchetekela.

Galatiya 5:7

Mwalikubutuka bwino ulubilo mukuchimfyanya kwenu. Mba wamuleseshe ninani ukwebati mwilokumfwa ichine?

Efeso 4:3

Elo mweshe ukulama bumo mu Mupashi Wabuta pakwikatana pamo mumutende.

Filipi 1:9

Nkolomba ukwebati ukutemwana kwenu kulokukulilako bonse ukuchila, mukwishiba elo namukumfwisha ifintu ukufikapo.

1 Tesalonika 3:12

Bashikulu balundeko ukutemwana kwenu nokutemwa uko mukwete kubantu bonse ukubati ninku tukwete pali mwebo.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

1 Timoti 1:3

Kubati nimfiya nakwebele ulo nalikuya ku Masedoniya, wikale mu Efeso nokukanya abo abakosambisha ifyabufi.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

1 Timoti 4:12

Kwibapo umuntu nangu umo uwakukusuula pantu uli umulumbwana. Nomba ube ichakubwenako kuba Klistu bonse mukusosa kobe, mumyendele, mukutemwa, muchichetekelo namukubuta umutima.

1 Timoti 5:2

Abanakashi abakulu ulokubachita kubati nibanoko, elo abanansungu kubati nibankashi shobe nomutima wabuta.

2 Timoti 1:14

Ulame bwino ifiweme ifyapelwe kuli webo ukufuma ku Mupashi Wabuta uwaba muli webo.

Hebele 11:8

Muchichetekelo Abulahamu alyumfwile ulo Lesa amwitile ukuti aye kuchalo chimbi icho amulayile ukuti akumupela. Alifuminemo kuchalo chakwe nangu tayishibilepo uko alikuya.

Hebele 13:1

Twalilileni ukutemwana nga abanankashi.

Hebele 5:9

Ulo ashilile umulimo wakwe alibele chibinda wachipulusho ichitapwapo kuli bo bonse abamumfwila.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Yemusi 1:21

Kanshi lekeni inshila shonse ishabusali nobubi ubwayisula muli mwebo. Pokeleleni mukuyichefya Amashiwi aku Lesa ayabyalilwe mumitima yenu ayo angamupulusha.

Yemusi 4:8

Palamineni kuli Lesa, elo naye akupalamina kuli mwebo. Lekeni ububi mwe mbifi. Wamyeni imitima yenu, mwe bamitima iibi.

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

1 Petulo 2:17

Chinshikeni abantu bonse. Temwaneni abachetekela banenu. Mube abantu batina Lesa. Chinshikeni nakateka mukulu.

1 Petulo 3:1

Namwe mwe banakashi, nakilileni abalume benu, ukwebati nga kuli bamo abatomfwa Amashiwi aku Lesa, muleke imyendele yenu ibaalulule. Tapalingilepo ukusosa amashiwi,

1 Petulo 3:20

Mipashi njilya yabantu abataumfwile ulo Lesa alindilile nomutima wakushipikisha panshita Nowa alikupanga ingalaba. Mungalaba njilya abantu abanono bwaka, basano nabatatu, ebapulukile kumenshi.

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.

1 Petulo 4:17

Nomba inshita yafika iyakuti Lesa apingule abantu bakwe. Nga ukupingulwa kwakutatikila pabantu bakwe, mba chakuba shani kuli bo abatomfwa Ubutumi Bwawama bwaku Lesa?

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.

2 Petulo 1:7

Kukulomba mulundeko inkumbu ishabwanankashi. Elo pankumbu nshi, lundenipo ichitemweko.

1 Yohane 3:11

Amashiwi awo twaumfwile ukutula pakutatika akuti tulokutemwana.

1 Yohane 3:23

Ifunde ilyo Lesa atupa lyakuti tuchetekele Umwana wakwe Yesu Klistu. Elo nokuti tulokutemwana ukubati nimulya atusambishe Klistu.

1 Yohane 4:12

Tapapo uwabona Lesa iyowo, kuntu nga twatemwana ekuti Lesa aba muli fwebo, nokutemwa kwakwe kwaba ukwafikapo muli fwe.

1 Yohane 4:20

Umuntu nga asosa ati nalitemwa Lesa, kuntu apata wakwe, wabufi. Kuti atemwa shani Lesa uwo tabonapo nokupata wabo?

1 Yohane 4:7

Mwe batemwekwa, tulokutemwana umo nomunakwe pantu ukutemwa kutula kuli Lesa. Onse wakwata ukutemwa mwana waku Lesa, nakambi alimwishiba Lesa.

Ukufisulula 2:4

Nomba ndikwete umulandu umo nawebo uwakuti tawantemwapo kubati nimfilya chali pakutatika.