1 Petulo 1:20 - Chipangano Chabwangu

²⁰ Lesa alimusalile kabela ukuti akapyunge umulimo ngu talatala ichalo. Nomba inshita njino yakumupwilo aliibwenesha kuli mwe pamulandu wenu.

1 Petulo 1:20 ပူးပေါင်းရင်းမြစ်များ

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Imilimo ya batumwa 2:23

Elo Lesa, mumapange akwe aapingwile kale ukuti Yesu akuposwa muminwe yenu. Nachine mwalimwipeye pakusuminisha abantu ababi ukuti bamusamike pamutashi.

Loma 3:25

Lesa amupele ngu ukuti mumfwa yakwe abe nshila yakunakila amabifyo yabantu bonse abamuchetekela. Nchi chilanga ukulungama kwaku Lesa. Akale Lesa alikuteka umutima nokuleka amabifyo abantu.

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

Galatiya 4:4

Ulo inshita yafikile, Lesa alitumine umwana wakwe. Umwana ngu afyelwe kumwanakashi, afyelwe uwalingile ukulama amafunde.

Efeso 1:10

Icho Lesa afwayile ukuchita panshita ilingile kuleta pamo ifyakumulu nefyapanonshi, na Klistu nga umutwi.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Efeso 3:11

Lesa alichitile mfi ukuti nachine fichitike muli Klistu Yesu Bashikulu wesu ifyo asosele kale inshita tayilatatika.

Efeso 3:9

Alimpele umulimo wakulondolwela abantu bonse umo Lesa akuchitila fyonse ifyo apekenye mubumfisolo bwakwe. Lesa uwabumbile fyonse, asungile ubumfisolo mbu inshita tayilatatika.

Kolose 1:26

Amashiwi ngalya aafishilwe kunkulo shonse, nomba Lesa aafisulwila kubantu bakwe.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Hebele 1:2

Nomba munshita shakupelako shino asosa nafwebo ukupitila mu Mwana wakwe. Muli Ye Lesa alengele ichalo, nakambi eye asalile uwakuba umwine wafintu fyonse.

Hebele 2:14

Nomba pakusanga ukuti abana mba bantu abaminofu nomulopa, Yesu umwine alyalukile umuntu kubati nibo. Alichitile mfi ukuti ukupitila mumfwa yakwe onaule Kachenjeleka uyo uuli nefiso pamfwa.

Hebele 9:26

Achiba mfi, Klistu nga alechula inshita ishinji ukufuma apo ichalo chatalilwe. Kuntu nomba aboneka bwaka umuku umo epela panshita iyakupelako, ukuti afute amabifyo ukupitila mukuyipupila umwine.

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

1 Yohane 1:2

Ulo mbu bumi bwaboneke, twalibubwene. Nomba tulasosa pali mbu bumi butashilapo ubwali na Bata, elo bwalishibikwe kuli fwebo.

1 Yohane 3:5

Mulishibile icho Klistu abonekele nimukuti atuwamye kumabifyo esu. Echo muli Ye tamupo ububi.

1 Yohane 3:8

Uyo utwalilila ukubifya wakwa Satana, pantu Satana nimbifi ukutula kukutatika. Echo no Mwana waku Lesa abonekele ukuti aonaule imilimo yakwa Satana.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.