1 Petulo 1:2 - Chipangano Chabwangu

² Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

1 Petulo 1:2 ပူးပေါင်းရင်းမြစ်များ

Mateyo 24:22

Nga chakuti Lesa tayipifisheko inshiku nshilya, nga tapapulukilepo umuntu nangu umo iyowo. Nomba pamulandu wabantu bakwe abasalwa, Lesa akwipifyako inshiku nshilya.

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Mateyo 24:31

Epo akutuma abangelo bakwe ukulisha ulupenga ulwachiunda ichikulu. Bakulonganya abasalwa bakwe ukufuma konse kutupinda tune twachalo, ukutatikila uko ichalo chapela ukufikila nokumpelo kunakwe.

Maliko 13:20

Epo nga chakuti Shikulu tayipifisheko inshiku nshilya, nga tapapulukilepo umuntu nangu umo iyowo. Nomba pamulandu wabantu bakwe abasalwa, alipifyako isho nshiku.

Maliko 13:22

Pantu ba Klistu nabasoseshi ababufi bakwima, balikuchita ifyafiso ifikulu nefyakushimbwisha, ichakweba ati babepayike nabasalwa kumo nga chingachitika.

Maliko 13:27

Akutuma abangelo bakwe mukulonganya abasalwa bakwe, ukufuma konse kutupinda tune utwachalo, ukutatikila uko ichalo chapela, ukufikila nakumpelo kunakwe.

Luka 18:7

Nga Lesa angabapela shani umulandu abapatulika bakwe, abalilila kuli Ye akasuba nobushiku ukuti abafwe? Kanshi kuti akana shani ukubafwa?

Imilimo ya batumwa 15:18

Efyo Bashikulu Lesa bakososa, abafisulwile mfi ukufuma nakukale.’”

Imilimo ya batumwa 2:23

Elo Lesa, mumapange akwe aapingwile kale ukuti Yesu akuposwa muminwe yenu. Nachine mwalimwipeye pakusuminisha abantu ababi ukuti bamusamike pamutashi.

Imilimo ya batumwa 20:32

“Nomba namupela kuli Lesa nakumashiwi aasosa ubwanshi bwakwe. Ye ukuti amukoselesha nokumushukisha kuli fyonse ifyo Lesa ateyanishisha abantu bakwe.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

Loma 11:2

Lesa tabakenepo abantu bakwe, abantu abo asalile kale. Napo tamwishibilepo Amalembo ifyo asosa ulo Eliya alombele ukuti Lesa achushe Baisilaeli.

Loma 11:28

Nomba ukusosa ifya Butumi Bwawama Baisilaeli tupondo twaku Lesa pamulandu wenu. Nomba ukusosa pafyakusalwa, Baisilaeli batemwekwa baku Lesa pamulandu wafikolwe fyabo.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

Loma 16:19

Abantu bonse balyumfwa ifyo munakila Lesa. Echo nkotemwa pamulandu wenu. Nomba nkofwaya ukuti mube nomulangwe pafintu ifiweme. Mwipumfiwapo nefibi.

Loma 16:26

Nomba ichine nchi chalifisululwa ukupitila kufyo abasoseshi balembele. Elo ukupitila nefyo akonkobeshe Lesa uwamuyayaya nokufyumfwila.

Loma 8:13

Nga mwayikala mukusekesha ifyabuntunse bwenu, mwakwisa kufwa. Nomba mukutungululwa no Mupashi Wabuta mwasha ukufwaya ifyabuntunse, mwakuba nobumi.

Loma 8:33

Mba ninani uwingapela umulandu kubasalwa baku Lesa? Lesa umwine alibalungamikile.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

2 Kolinto 10:5

Tulonaula ifitala fyonse ifilenga abantu ukuteshiba Lesa. Tulachimfya amalangulushi onse ukuti anakile Klistu.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

Taitasi 1:1

Nine Paulo umupyungi waku Lesa, nakambi umutumwa waku Yesu Klistu. Nalisalilwe ukutangilila abasalwa ukuti bachetekele nokwishiba ichine, ichingabafikisha kubumi ubwakuchinshika Lesa

Hebele 10:22

Echo katupalamine kuli Lesa nemitima iyachine nechichetekelo ichinenene. Imitima Yesu iwamishiwe ukwambula akalema nemibili Yesu isambwe namenshi ayabuta.

Hebele 11:28

Muchichetekelo Mosesi alipekenye ukulya kwa Chakulya Chakuchilila, nokukonkobesha abantu ukuti babike umulopa pamwinshi ukuti umungelo wamfwa eyipayapo amabeli yabena Isilaeli.

Hebele 12:24

Mwafika kuli Yesu, shibukombe uwapekenye ichipangano chabwangu, uwasanshile umulopa wakwe ukulaya ifintu ifiweme ukuchila ifyo umulopa wakwa Abeli wasosele.

Hebele 5:9

Ulo ashilile umulimo wakwe alibele chibinda wachipulusho ichitapwapo kuli bo bonse abamumfwila.

1 Petulo 1:14

Mwikale nga abana bachumfwila. Mushe imibele iyo mwalikukonka kale mukuteshiba kwenu.

1 Petulo 1:19

Amupulwishe nomulopa uukosele umutengo. Ye balimwipeye kubati mwana wambelele uutakwetepo akasemba nangula akalema.

1 Petulo 1:20

Lesa alimusalile kabela ukuti akapyunge umulimo ngu talatala ichalo. Nomba inshita njino yakumupwilo aliibwenesha kuli mwe pamulandu wenu.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

2 Petulo 1:2

Lesa amukwatile ubwanshi nokumupela umutende ukufikapo mukumwishibisha ifyaku Ye na Yesu Shikulu wesu.

2 Yohane 1:1

Nine nemukote, nkolembela umwanakashi uwasalwa na Lesa pamo nabana bakwe abo natemwesha. Tenepo nenka iyowo, kuntu nabonse abayishiba ichine balimutemwa.

2 Yohane 1:13

Abana babawenu uwasalwa na Lesa bamuposha umutende.

Yuda 1:2

Nkolomba ukwebati Lesa amukwatile ichisa, umutende nokutemwa apakulu.