1 Petulo 1:18 - Chipangano Chabwangu

¹⁸ Mulishibile bwino icho amupulwishisheko kubwikashi bwenu ubo mwasambilile kufikolwe fyenu. Taamupulwishisheko kufintu ifyonayika kubati silubale na golide iyowo.

1 Petulo 1:18 ပူးပေါင်းရင်းမြစ်များ

Maliko 8:37

Nga chintu ndo ichingalinga ukukabushanya nobumi bwamuntu?

Loma 1:21

Nachine Lesa balimwishibile, kuntu tabamupelako umuchinshi nangu ukumutotela. Elo mumalangulushi abo tamupo ifyamano. Bayiwula nemfimfi, echo balanguluka ifyabwaka.

1 Kolinto 3:20

Pambi chalilembwa ati, “Bashikulu balishibile ukuti amalangulushi ayabamulangwe abwaka.”

1 Kolinto 6:20

Lesa alimushitile pamutengo uukulu. Echo muchinshike Lesa nemibili yenu.

1 Kolinto 7:23

Lesa alimushitile pamutengo uukulu. Echo mwiba abasha babantu.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Efeso 4:17

Mwishina lyaku Bashikulu nomba nkomweba ati tamulingilepo ukwikala kubati benafyalo. Pakukonka amano yabo ayabwaka.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 9:12

Ulo Klistu ayinjilemo munsawa nji nokufika Muchifulo Ichabutisha, tasendelepo umulopa wambushi nangula wang’ombe iyalalume ukuti fibe ichipupo, kuntu Ye apintile umulopa wakwe umwine. Elo alitupekanishishe ichipulusho chitapwa.

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

1 Petulo 4:3

Pakuba akale mwaposele inshita mukwikala mumichitile iyo abatachetekela Lesa bafwaya ukuchita. Mwalikwenda mubusali, mulunkumbwa ulubi, mubuchakolwa, mubukabundulu, mufitala fyapabwalwa nokulomba tungosa wakubasa utwamuselu.

1 Yohane 3:5

Mulishibile icho Klistu abonekele nimukuti atuwamye kumabifyo esu. Echo muli Ye tamupo ububi.