1 Petulo 1:11 - Chipangano Chabwangu

¹¹ Umupashi waku Klistu uwayikala muli bo wasosele kabela ifyakufinya ifyo Klistu akuumfwa, elo nefyamuchinshi uwo akuba nawo panuma. Abasoseshi mbalya balikufwayilisha ukwishiba ulo mfi fyakuchitika, namunshila ndo.

1 Petulo 1:11 ပူးပေါင်းရင်းမြစ်များ

Mateyo 26:24

Umwana wa Muntu akoya mukufwa nga mfilya chalembwa mu Mashiwi aku Lesa pali Ye. Nomba ishamo kumuntu uyo ukoyembula Mwana wa Muntu! Nga chaliweme kuli ye ukutafyalwapo.”

Luka 24:44

Elo asosele kuli bo ati, “Mfi efyo namwebele ulo nali nenu. Fyonse ifyalembwa ifyaku nebo mu Mafunde, nefyalembwa nabasoseshi, nefya Malumbo fyakwisa kuchitika.”

Yohane 12:41

Esaya asosele mfi pakuti abwene ubuleme bwaku Yesu, elo ewo alikusosapo.

Imilimo ya batumwa 16:7

Ulo bafikile kumupaka wa Misiya, balikufwaya ukuya muchalo cha Bitiniya, kuntu Umupashi waku Yesu tawabasuminishepo.

Loma 8:9

Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

2 Petulo 1:21

Pakuba amashiwi aabasoseshi tayishilepo mukufwaya kwamuntu iyowo, kuntu Mupashi Wabuta alilengele ukuti basose amashiwi aafumine kuli Lesa.

Ukufisulula 19:10

Epo nalifukeme pamakasa akwe ukwebati mulombe, kuntu ye asosele kuli nebo ati, “Wichitapo mfi iyowo! Nandibo ndimupyungi bwaka kubati niwe. Nandibo ndi uwabachetekela kubati niwe nabanobe abo abakochitila Yesu bukamboni. Ulokulomba Lesa!” Pakuti ukuchitila Yesu bukamboni ebusoseshi ubwine-bwine.