1 Petulo 1:1 - Chipangano Chabwangu

¹ Nine Simoni Petulo umutumwa waku Yesu Klistu. Nkolembela abasalwa baku Lesa, abasalangana mubweni mufyalo fya Pontusi, Galatiya, Kapadosiya, Asiya namu Bitiniya.

1 Petulo 1:1 ပူးပေါင်းရင်းမြစ်များ

Mateyo 10:2

Nga emashina abatumwa ikumi na babili: (Simoni uwitwa Petulo) na Andileya wakwe, Yemusi nawakwe Yohane bamwana Sebedi.

Mateyo 24:22

Nga chakuti Lesa tayipifisheko inshiku nshilya, nga tapapulukilepo umuntu nangu umo iyowo. Nomba pamulandu wabantu bakwe abasalwa, Lesa akwipifyako inshiku nshilya.

Mateyo 4:18

Ulo Yesu alikwenda mululamba lwaku Bemba wa Galili, abwene abalofi babili: Simoni (uwitwa Petulo), na Andileya wakwe, balikuteya isumbu muli bemba pakuti bali abalofi banswi.

Luka 18:7

Nga Lesa angabapela shani umulandu abapatulika bakwe, abalilila kuli Ye akasuba nobushiku ukuti abafwe? Kanshi kuti akana shani ukubafwa?

Yohane 11:52

Tekufwilapo Bayuda benka iyowo, kuntu nokulonganya abana baku Lesa bonse abo abapalangana.

Yohane 7:35

Epo abakulu ba Bayuda batatikile ukufumbashanya ati, “Nikwisa uko engaya uko fwebo tatungamusanga? Napo kuti aya kumushi waba Giliki ukwikala abantu besu nokuya kubasambisha?

Imilimo ya batumwa 18:2

Nkulya ayile kusangako Muyuda umo, uwalikwitwa Akwila, uwafyalilwe mumushi wa Pontusi. Ngu muntu nomukashi wakwe Pulisila bafumine kuchalo cha Itali, pantu kateka mukulu Kilodiyasi atamfishe Abayuda bonse mumushi wa Loma. Elo Paulo alile mukubabona.

Imilimo ya batumwa 18:23

Ulo ayikeleko inshita inini, nakambi alifumineko nokuya kuchalo cha Galatiya naku Fuligiya, ali mukukoselesha abachetekela bonse.

Imilimo ya batumwa 19:10

Alikuchita mfi pamyaka ibili, echalengele nabantu bonse abalikwikala muchalo chaku Asiya, Abayuda nabenafyalo, ukumfwa Amashiwi aku Bashikulu.

Imilimo ya batumwa 6:9

Nomba abantu bambi balimutalikile abamuchilonganino cha Bantu Bantungwa (efyo chali kwitwa.) Bali Abayuda abafumine ku Sayilini naku Alekisandiliya. Kwali nabambi abafumine kuchalo chaku Silisiya na Asiya.

Imilimo ya batumwa 8:4

Elo abachetekele Yesu bapalanganine impanga yonse nokubilisha Ubutumi Bwawama.

1 Kolinto 16:19

Ifilonganino fyamu Asiya fikomuposha umutende. Akwila na Pulisila, pamo nechilonganino ichikumanina munanda yabo, bakomuposha umutende bonse, abena Klistu banenu.

2 Kolinto 1:8

Nomba bawesu nkofwaya ukwebati mwebe amachushi awo twakumene nawo mu Asiya. Balituchushishe ukuchisha pafiso fyesu ichakuti tatwali kulangulukapo ukwebati twakuba abomi.

Galatiya 1:2

Nebo nabawesu bonse nkuno, tukomuposha umutende mwe bafilonganino ifyamu Galatiya.

Efeso 2:12

Nomba langulukeni ukuti inshita njilya tamwakwetepo Klistu. Mwali abenafyalo abatalipo abantu abasalwa na Lesa. Tamwakwetepo ulubali muli mfilya Lesa asuminishe nokulaya abantu bakwe. Mwalikele muchalo ukwambula ichakulindilila, ukwambula Lesa.

Efeso 2:19

Echo mwe benafyalo tamulipo abalwendo abakolebela bwaka, kuntu muli bakaya pamo nabantu baku Lesa. Elo muli balupwa lwaku Lesa.

2 Timoti 1:15

Walishiba ukuti bonse abamuchalo cha Asiya balinshile. Pakati kabo paba Figelusi na Hemogenesi.

Hebele 11:13

Bonse abantu mba balilamine ichichetekelo chabo ukushinta napamfwa yabo. Tabapokelelepo ifyo Lesa abalayile, kuntu balifibwenene apatali nokutemwa. Balishibile ukuti balwendo panonshi tebakwikalililapo.

Yemusi 1:1

Nine Yemusi, umupyungi waku Lesa na Bashikulu Yesu Klistu. Namuposha umutende bonse mwe bantu baku Lesa abapalangana mpanga yonse.

1 Petulo 2:11

Mwe batemwekwa, pakuti muli abalwendo panonshi, nkomupapata talamukeniko kufyalunkumbwa ulwamubili ifyo ifilwa namwe.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

Ukufisulula 1:11

Ishiwi lyasosele ati, “Ifyo ukobona ulembe mwibuku nokulituma kufilonganino mfi fisano na fibili: Ku Efeso, Simuna, Pegamamu, Tayatila, Sadisi, Filadelufiya, naku Lawodisiya.”