1 Kolinto 9:8 - Chipangano Chabwangu

⁸ Mwati nkososa mfi kumano abantunse? Napo Amafunde taasosapo fyenka?

1 Kolinto 9:8 ပူးပေါင်းရင်းမြစ်များ

Loma 3:31

Napo chikoyalula ukwebati tulisulile Amafunde pamulandu wachichetekelo? Nangu panini. Ukuchilapo tulayakoselesha.

Loma 3:5

Findo ifyakuchitikapo kati ububi bwesu bulanga ukuti Lesa aba uwalungama? Napo twingasosa ati Lesa taba bwino ulo atupela umulandu? (Nkososa nchi mukabelo kabuntu.)

Loma 6:19

Nimupela ichelusho nchi ichabusha icho mwayishiba ukuti mumfwikishe. Akale mwayipele mwenka ukuba abasha bwafikowesha nobubi bonse. Mushila imo yenka, mwipele nomba ukupyungila Lesa mukuchita ifiweme ifilanga ukuyipelesha kuli Ye.

1 Kolinto 14:34

abanakashi bekale chelele mufilonganino. Pakuba tabapelwapo insambu shakusosapo. Kubati nimfilya Amafunde aku Mosesi asosa, abanakashi bekala abachumfwila.

1 Kolinto 7:40

Nomba nkolanguluka ukwebati kuti asekelela ukuchilapo nga aikala ukwambula ukupwa. Pakuba nandibo ndikwete Umupashi waku Lesa.

Galatiya 1:11

Mwe bawesu, kamwebe ukuti Ubutumi Bwawama mbu nsambisha tabwafuminepo kumuntu.

1 Tesalonika 2:13

Icho tutotelapo Lesa lonse nimukuti ulo mwaumfwile Amashiwi aku Lesa awo twamushimikile, mwaliyapokelela tekubati mashiwi amuntu iyowo, kuntu kubati nimfilya aaba, mashiwi aku Lesa. Amashiwi nga eyakopyunga umulimo muli mwebo abachetekela.

1 Tesalonika 4:8

Ekuti uyo onse uulengulula ukusambisha nku, takolengululapo muntu iyowo, kuntu Lesa uutupela Umupashi Wabuta.