1 Kolinto 9:26 - Chipangano Chabwangu

²⁶ Echo nebo nshibutukapo ichibutuke-butuke iyowo. Elo nshilipo ukubati muntu uuposa amakofi ichipose-pose.

1 Kolinto 9:26 ပူးပေါင်းရင်းမြစ်များ

Mateyo 11:12

Ukutatikila kunshita shakwa Yohane Mubatishi nokufika nduno, abantu balalwisha ubufumu bwakumulu, elo balesha ukubupoka kufiso.

Luka 13:24

“Esheni ukwinjila pamulyango uuche, pakuba mukasuba kakumupwilo abantu abenji bakafwaya ukwinjila, nomba bakwisa kufilwa.

1 Kolinto 14:9

Efyo chili nakuli mwe. Umuntu kuti ayishiba shani ifyo mukososa nga tamukososapo amashiwi ayomfwika? Mungalokusosa kumwela bwaka.

2 Kolinto 5:1

Imibili iyo tuli nayo ili kubati lusasa bwaka. Nomba tulishibile ukwebati ulo ulusasa ndu lwakonayika, twakuba munanda iyo Lesa alitupekanishisha kumulu. Inanda nji tayayimakilwepo neminwe yabantu, elo yamuyayaya.

2 Kolinto 5:8

Ina, tukoshipikisha, nomba icho tufwayisha chakuti tufume mumubili nguno nokuba nowaku Bashikulu.

Galatiya 2:2

Naliile nku pakuti Lesa ewantumine. Pakulongana ukwabakulu abachilonganino, nalilondolwele bwino-bwino ifya Butumi Bwawama ubo nsambisha kubenafyalo. Nachitile mfi ukwebati imilimo iyo momba kuti yaba iyabwaka.

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

Filipi 1:21

Kuli nebo ubumi ni Klistu, elo imfwa bunonshi.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

2 Timoti 1:12

Echo nkochulila mfi. Nangu chibe mfi, nshuumfwapo insoni iyowo pakuti ndimwishibile uyo nachetekela. Elo nalishininkisha ukuti kuti ansungisha bwino ukufikila pakasuba kabupingushi ifyo ampele ukuti nsunge.

2 Timoti 2:5

Umuntu uuchimfyanya mulubilo, tekutipo apoke ingala, kano nga alama amafunde ayakuchimfyanya.

2 Timoti 4:7

Nindwa inkondo iiweme, nashila ubulwendo bwanji, ndilamine ichichetekelo chanji.

Hebele 12:1

Nomba pakuti kuli bakamboni abenji abatushingulukile, katupose konse akalema nobubi bo ubukotukakatila. Elo katutwalilile nefiso ulwendo twatatika akale.

Hebele 4:1

Ubulayo bwaku Lesa ubwakuti tukaya mukutusha uko atupekanishisha, epo kwaba. Nomba tuchenjele ukuti kwibapo umbi muli mwebo uukafilwa ukwinjilamo.

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

2 Petulo 1:10

Echo mwe bawesu, chinchileni ukuchilapo ukushininkisha ukwebati Lesa alimwita nakambi alimusala. Nga mwachita mfi, tekuti muwepo iyowo.