1 Kolinto 9:24 - Chipangano Chabwangu

²⁴ Napo tamwishibilepo ukuti bonse balachimfyanya mulubilo, kuntu umo eupokelela ichilambu? Echo ukubutuka kwenu kube ukwakupokelela ichilambu.

1 Kolinto 9:24 ပူးပေါင်းရင်းမြစ်များ

Loma 6:16

Mwalishiba ukuti nga mwayipela ubusha kumuntu umbi nokumumfwila, penkapo mwaba abasha bamuntu ngulya mukoumfwila. Nga mwaba abasha babubi, mwakwisa kufwa. Nomba nga nimwebo abasha baku Bashikulu, mwakulungamikwa.

1 Kolinto 9:13

Kanshi tamwishibilepo ukuti bapyunga munanda yaku Lesa, balya ififuma munanda njilya? Napo tamwishibilepo ukuti abapyungila pachipupililo balaakana ifyachipupo?

1 Kolinto 9:23

Fyonse mfi ndafichita pamulandu wa Ubutumi Bwawama ukuti nandibo mpokelele nabo ishuko ilya Butumi mbu

1 Kolinto 9:26

Echo nebo nshibutukapo ichibutuke-butuke iyowo. Elo nshilipo ukubati muntu uuposa amakofi ichipose-pose.

Galatiya 2:2

Naliile nku pakuti Lesa ewantumine. Pakulongana ukwabakulu abachilonganino, nalilondolwele bwino-bwino ifya Butumi Bwawama ubo nsambisha kubenafyalo. Nachitile mfi ukwebati imilimo iyo momba kuti yaba iyabwaka.

Galatiya 5:7

Mwalikubutuka bwino ulubilo mukuchimfyanya kwenu. Mba wamuleseshe ninani ukwebati mwilokumfwa ichine?

Filipi 2:16

ulo mubeba amashiwi aapela ubumi. Munshila nji, nebo nakukwata apakuyitutumwinapo pakasuba ulo Klistu akubwela. Penkapo pakwishibika ukuti nshibutukile bwaka pakuchimfyanya ukwalubilo, nangu ukubombela lutu.

Filipi 3:12

Nshikososa ukwebati nalifikapo kale pali mfi nangu ukwebati ndiwalungama kale iyowo. Nomba ndesha ukwebati nkapoke ichilambu icho Klistu Yesu achimfishe kale ukuti mbe uwakwe.

Filipi 3:14

Ndabutukila kuchipimo ichakuchimfyanya ichalubilo ndu ukwebati nkanonke ububoni ubo Lesa akotwitila kumulu muli Klistu Yesu.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

Hebele 12:1

Nomba pakuti kuli bakamboni abenji abatushingulukile, katupose konse akalema nobubi bo ubukotukakatila. Elo katutwalilile nefiso ulwendo twatatika akale.

Yemusi 1:12

Alishuka umuntu uushipikisha panshita ulo eshekwa, pakuti ulo achimfya akupokelela ingala yabumi iyo Lesa alayile ukupela kuli bo abamutemwa.

Ukufisulula 3:11

Nkoyisa bwangu-bwangu. Ikatisha icho ukwete ukuti kwibapo uwakukupokolola ingala yabumi.