1 Kolinto 9:21 - Chipangano Chabwangu

²¹ Kuli bo abashikwetepo Amafunde, ndekala kubati nibo ukwebati mbanonke. Te kwebati nshikwetepo Amafunde aku Klistu.

1 Kolinto 9:21 ပူးပေါင်းရင်းမြစ်များ

Imilimo ya batumwa 15:28

Pakuti Umupashi Wabuta ewatutangilile mukusuminishanya ukuti twilundapo fimbi pali mwe, kuntu amafunde nga enka ayalinga:

Imilimo ya batumwa 16:4

Ulo balikupitana mumishi, balikusambisha abantu amafunde awo abatumwa nabakulu bamu Yelusalemu baumfwene. Elo balikubakoselesha nokubakonkobesha ukuti balokulama amafunde.

Imilimo ya batumwa 21:25

Nomba kubenafyalo abachetekela twalibalembela kalata uwakubeba ukuti tabalingile ukulya ifyakulya ifyakupupilila tungosa wakubasa nangula umulopa, nangula inama iyo bapotwele, nangula ukuchita buchende.

Loma 2:12

Abenafyalo ababifya ukwambula ukwishiba Amafunde akwa Mosesi, balabifya, elo balalufiwa nangu bateshibilepo nga Mafunde. Elo bonse ababifya ulo beshibile Amafunde, balabifya, elo bakupingulwa ku Mafunde nga enka.

Loma 2:14

Abenafyalo tabakwetepo Amafunde, kuntu ulo bachita benka ifisosa Amafunde balabwenesha ukuti bali namafunde mumitima yabo, nangula tabakwetepo amafunde akwa Mosesi.

Loma 7:22

Nebo naliba nokusekelela mwifunde lyaku Lesa.

Loma 7:25

Ukutotela kube kuli Lesa muli Yesu Klistu Shikulu wesu! Elo chaba mfi: nebo nkofwaya ukukonka Ifunde lyaku Lesa nomutima onse, kuntu nomubili wanji nkofwaya ukukonka inshila yabubi.

Loma 8:4

Lesa achitile mfi ukuti ubulungami ubo ubukososwa na Amafunde akwa Mosesi, buboneke muli fwe. Echo tatwendapo kubati bantunse abatemwa ifyapanonshi, kuntu twatungululwa no Mupashi Wabuta.

Galatiya 3:2

Njebeniko, napo mwalipokelele Umupashi Wabuta mukulama Amafunde nangu mukumfwa nokuchetekela Ubutumi Bwawama?

Galatiya 6:2

Afwaneniko ifikomulemena. Nga mwachita mfi ekwebati mukolama ifunde lyaku Klistu.

Hebele 8:10

Nomba ichipangano nakupanga nomutundu waba Isilaeli ninchi, efyo asosa Shikulu Lesa, Nakubika amafunde anji mumitima yabo, nakuyalemba mumitima yabo. Nakuba Lesa wabo, nabo bakuba bantu banji.