1 Kolinto 9:14 - Chipangano Chabwangu

¹⁴ Chimo chine Bashikulu balipingula ati abashimika Ubutumi Bwawama bakulya ukufuma mukushimikila Ubutumi bo.

1 Kolinto 9:14 ပူးပေါင်းရင်းမြစ်များ

Mateyo 10:10

Mwipintapo itumba lyalwendo, nangu amalaya abili, nangu inkwabilo shibili nangu inkoli pakuti uwamilimo alila mumilimo yakwe.

Luka 10:7

Ikaleni muli iyo nanda yenka, mulye nokunwa fyonse ifyo bamupela pantu umubomfi alinga ukulipilwa. Mwilokwendauka mumananda.

Luka 10:8

Lonse ulo mwayinjila mumusumba nabantu bamupokelela, lyeni fyonse ifyo bamupela.

Imilimo ya batumwa 18:3

Alikele nokubomba nabo pantu ali uwakupikula amatenti kubati nibo.

1 Kolinto 4:15

Nangu mungakwata abakusambisha amakana ikumi mubwina Klistu bwenu, tekuti mukwatepo bawishinwe abenji iyowo. Pakuba muli Klistu, nabele wishinwe pamulandu wakumushimikila Ubutumi Bwawama.

1 Kolinto 9:11

Nga fwebo twalibyala ifiweme ifyakumupashi pakati kenu, nomba tatungapokapo shani kuli mwe ifyo tubulisha mubumi bwesu?

1 Kolinto 9:12

Kati bambi balilingile ukupokelelako mfi, napo fwebo tatwachilapo pali bo? Nomba insambu nshi tatwashibomfeshepo iyowo. Twalishipikishe ukutina ati twinganenusha abantu munshila iili yonse ukuti bapokelele Ubutumi Bwawama ubusosa ifyaku Klistu.

1 Kolinto 9:16

Nomba nga nshikobilishapo Ubutumi Bwawama, apo penka nshikwetepo apakuyitutumuna, pakuti Bashikulu ebanjebele ukuchita mfi. Ishamo kuli ne nga nshikobilishapo Ubutumi Bwawama mbu.

1 Kolinto 9:4

Napo tatulingilepo ukupokelela ifyakulya nefyakunwa?

2 Kolinto 2:12

Ulo nafikile ku Tuloasi ukuti nkashimike Ubutumi Bwawama ubusosa ifyaku Klistu, nalisangile Bashikulu baliswile kale inshila ukuti mpyunge umulimo nkulya.

Galatiya 6:6

Umuntu onse uusambilishiwa amashiwi aku Lesa alingile ukwakana ifintu fyonse ifiweme nangulya uukomusambisha.

1 Tesalonika 1:5

Ubutumi Bwawama ubo twaletele kuli mwebo, tabwalipo amashiwi bwaka iyowo, kuntu twalisambishe nefiso fyonse mukutangililwa no Mupashi Wabuta ukwambula ukukayika mumitima yesu. Mulishibile ubumi ubo twalinabo ulo twali namwe. Fyonse mfi fyali ifyakumwafwilishako mwebo.