1 Kolinto 8:3 - Chipangano Chabwangu

³ Nomba umuntu uwatemwa Lesa, alishibwa na Lesa.

1 Kolinto 8:3 ပူးပေါင်းရင်းမြစ်များ

Mateyo 7:23

Elo nandibo nakubasuka ati, ‘Nshimwishibilepo! Fumeni mpa mwe bachita ububi.’

Yohane 10:14

Nomba nebo nine chembela uwawama. Nalishiba imbelele shanji, nasho shalinjishiba.

Yohane 21:17

Inshita iyachitatu, Yesu amufumba nakambi ati, “Simoni, mwana Yohane, napo walintemwa?” Petulo abele nechikonko pantu Yesu amufumbile nomba umuku wabutatu ati, “Napo walintemwa?” Epo naye aasukile ati, “Bashikulu, mwebo mwayishiba ifintu fyonse. Mwalishiba ukuti nalimutemwa!” Yesu amwebele ati, “Lisha imbelele shanji.

Loma 11:2

Lesa tabakenepo abantu bakwe, abantu abo asalile kale. Napo tamwishibilepo Amalembo ifyo asosa ulo Eliya alombele ukuti Lesa achushe Baisilaeli.

1 Kolinto 13:12

Nomba nkobona ifintu kubati chinshingwa muchilola. Elo pali njilya nshita twakubonana amenso namenso. Nduno ndishibile panini, kuntu pali njilya nshita nakwishiba ukufikapo, kubati nimfilya banjishiba ukufikapo.

1 Kolinto 2:9

Chabati nimulya Amalembo asosa ati, “Ifyo umuntu atabwenepo nangu ukumfwa, ifyo umuntu atalangulukilepo ukuti chakuchitika, echo Lesa apekanishishe abo abamutemwa.”

Galatiya 4:9

Kuntu nomba mwalishiba Lesa, nangula nkasose ati Lesa alimwishiba, mba nindo mukobwelela kutufuto ntulya twabwaka nakambi utwansha nsoni? Mulandu ndo mukofwaya ukuba abasha nakambi bamfilya?

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”

Yemusi 1:12

Alishuka umuntu uushipikisha panshita ulo eshekwa, pakuti ulo achimfya akupokelela ingala yabumi iyo Lesa alayile ukupela kuli bo abamutemwa.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

1 Petulo 1:8

Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.

1 Yohane 4:19

Twalitemwa pakuti Lesa ewatatikile ukututemwa.

1 Yohane 4:7

Mwe batemwekwa, tulokutemwana umo nomunakwe pantu ukutemwa kutula kuli Lesa. Onse wakwata ukutemwa mwana waku Lesa, nakambi alimwishiba Lesa.

Ukufisulula 2:13

Ye akoti, Nalishiba uko wayikala. Wayikala nkulya ukwaba ichipuna chakwa Satana. Webo waliba uwachetekela kuli nebo, nakambi tawaposapo ichichetekelo icho ukwete muli nebo nangu mpanshita yakwa Antipasi, kamboni wanji uwachishinka. Ngu bamwipayile nkulya ukwikala Satana.

Ukufisulula 2:19

Ye akoti, Imilimo yobe yonse nalishiba. Nalishiba nokutemwa kobe, ukuchetekela kobe, ukupyunga kobe nokushipikisha kobe. Nalishiba ukuti ukupyunga kobe nomba kwachila ifyo walikupyunga pakutatika.

Ukufisulula 2:9

Ye akoti, Nalishiba ifikuchusha nobupina bobe, nangu ichine-chine uli mukankala. Nalishiba nakambi ifyo bakufyenga bo abasosa ukuti Bayuda, kuntu bachilonganino chakwa Satana.