1 Kolinto 8:1 - Chipangano Chabwangu

¹ Nomba nkofwaya ukwasuka pamulandu mwanembele wafyakulya bapupilila tungosa wakubasa. Nachine bonse tulikwete amano, nomba amano enka alenga umuntu ukuyitutumuna. Ichitemweko echimaka.

1 Kolinto 8:1 ပူးပေါင်းရင်းမြစ်များ

Imilimo ya batumwa 15:10

Nga kanshi nomba, chindo mukoyesesha Lesa pakutwika abenafyalo ichipe icho ifikolwe fyesu nafwebo twafililwe ukupinta?

Imilimo ya batumwa 15:29

Mulokulyako inama iyo abantu bakopupila kutungosa wakubasa, mulokulyako mulopa, mulokulyako inama iyo bapotwele pamukoshi, nakambi mulokuchitapo ubuchende. Amukolama nga mafunde mukochita bwino. Shalenipo umutende.”

Imilimo ya batumwa 21:25

Nomba kubenafyalo abachetekela twalibalembela kalata uwakubeba ukuti tabalingile ukulya ifyakulya ifyakupupilila tungosa wakubasa nangula umulopa, nangula inama iyo bapotwele, nangula ukuchita buchende.

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 12:16

Mulokumfwana lonse. Mwiitutumunapo, kuntu mutemwane nabantu bwaka. Mwilokuyilangulukapo ukuba abamulangwe.

Loma 14:10

Nomba webo, nindo ukopingula wenu? Bonse bwaka twakupingulwa na Lesa.

Loma 14:14

Ndishibile bwino muli Bashikulu Yesu ukwebati Lesa alasuminisha ukulya ifyakulya fyonse. Nomba nga umuntu achilanguluka ukuba ichibi, echo kuli ye chilabipa.

Loma 14:19

Echo nomba, tuchitepo ifintu ifileta umutende nokukoseleshanya.

Loma 14:22

Ifyo ukochetekela pali mfi fintu fibe pakati kobe na Lesa. Alishuka uyo uutakayikapo pafintu ifyo eshibile ukwebati filingilwe ukuchita.

Loma 14:3

Uyo uulya akantu akali konse elokusekapo uyo uutalya. Elo uyo uulya umusalu wenka elokupingulapo umunakwe uulya fyonse pantu Lesa alimupokelela.

Loma 15:14

Mwe bawesu, nalishininkisha ukwebati mulikwete ubumi ubuweme, mulishibile fyonse ifisuma nokusambishanya.

1 Kolinto 1:5

Echo muli Klistu muli bachindama pali fyonse, ukuchilapo mukusosa namukwishibisha konse.

1 Kolinto 10:15

Nkososa mfi kuli mwe nga bantu abamano. Muyipingule mwenka pali mfi nkososa.

1 Kolinto 10:28

Nomba nga umbi akweba ati, “Nji nama baliyipupilila kuli tungosa wakubasa,” mwilyako iyowo, pamulandu wamuntu uyo uwamuchenjeshako, elo namalangulushi enu.

1 Kolinto 14:20

Bawesu, lekeni ukulanguluka nga utwaiche. Ukulosha kububi mube utucheche, nomba mukulanguluka kwenu, mube abakulu.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

1 Kolinto 4:10

Pamulandu waku Klistu, fwebo bakotulanguluka ukuba abapuneme, elo mwe abamulangwe muli Klistu. Mwaliba abanaka, kuntu mwebo muli abafiso! Muli abachindama, nomba ifwe tuli abasulwa.

1 Kolinto 4:18

Bambi bakoitutumuna ukubati nshakesepo kuli mwebo.

1 Kolinto 4:6

Mwe bawesu, mfi ifyo nkososa fyaku nebo na Apolosi. Nkofwaya ukwebati mfi fimusambishe amashiwi ngalya akososa ati, “Mulokuchishapo ifyo Amalembo akososa.” Echo muyitutumwina pali umbi nokusula munakwe.

1 Kolinto 5:2

Nga kuti mwayitutumuna shani? Mulingile ukumfwa insoni mwebene nokutamfya pakati kenu uukochita mfi.

1 Kolinto 5:6

Ukuyitutumuna kwenu takuwemepo! Napo tamwayishibapo insoselo iyakuti, “Utwamimena utuche tututumuna ichamufuba chonse.”?

1 Kolinto 8:2

Umuntu uwilanguluka ukuti alishibapo ifintu, ekwebati tafishiba ukufikapo.

1 Kolinto 8:4

Nomba pamulandu wafyakulya ifyo bapupila tungosa wakubasa, tulishibile ukuti tatukwetepo akantu. Elo tapapo Lesa umbi, sembi umo enka.

1 Kolinto 8:7

Nomba te bonsepo abeshibile mfi. Bambi balibelesha ukupupa tungosa wakubasa. Ukufika nanduno nga balya ifyo bapupila tungosa wakubasa, balanguluka ukuti ichakulya nchilya chapelwa kutungosa wakubasa. Nomba pakuti kampingu wabo uunakile, elo bayilanguluka ukuba abakowela kuchakulya nchi.

Efeso 4:16

uutungulula umubili onse, nokulundanya pamo ifilewa fyonse. Elo ichilewa chonse chalikwata umulimo wachiko. Echo umubili onse ulakula nokukosa mukutemwa.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

Ukufisulula 2:14

Nomba kuli ifintu fimbi ifyo nkokukalipilapo. Kwaliba abantu bambi abakonka ukusambisha kwakwa Balaamu, uyo uwasambishe Balaki ukutungulula abena Isilaeli ukubifya ulo abebele ukuti balye ifyapupilwe kuli tungosa wakubasa nokuchita ubulale-lale.

Ukufisulula 2:20

Nomba ndikwete umulandu umo nawebo uwakuti ulalekelela umwanakashi Yesebelo usosa ati musoseshi waku Lesa. Ye alabepa abapyungi banji ukuti bachite ubulale-lale nokulya ifyakulya bapupila tungosa wakubasa.