1 Kolinto 7:31 - Chipangano Chabwangu

³¹ Elo abo ababomfya ifyamuno chalo, bebikapo amalangulushi abo pali mfyo. Pakuba ichalo chapanonshi nemibonekele yachiko tachakabelelelepo inshita iitali.

1 Kolinto 7:31 ပူးပေါင်းရင်းမြစ်များ

Luka 21:34

“Ikaleni abayibukila! Muyiposa mukulya namukukolwa namumasakamiko yaku mbuno bumi, ichakuti nkalya kasuba keyisa kumupumikisha bwaka nokwikatwa

1 Kolinto 7:29

Icho nkososa mwe bawesu chakuti inshita ilishilile. Ukufuma pali nomba abaupa bekale kubati bataupapo.

1 Kolinto 7:30

Bo abalila iminsoshi, babe kubati tabakolilapo, abasekelela babe kubati batakosekelelapo, abashita babe kubati tabakwetepo akantu nangu kamo.

1 Kolinto 9:18

Nomba ichilambu chanji nindo? Ala, ninchi ichakwebati ndokubilisha Ubutumi Bwawama ukwambula amalipilo nokutalindila ukupokelela ifyalinga mukubilisha Ubutumi mbu.

Hebele 12:27

Amashiwi akuti, “Nakambi” akotulanga apabuta tuu ukuti ifilengwa fyonse fyakusunkanishiwa nokufumishiwapo ukuti ifyo ifitasunkanapo fyakwikalilila.

Yemusi 4:14

Mwebo tamwishibilepo nefyamailo. Nga ubumi bwenu chindo? Buli ukubati chushi ichiboneka panshita nokupalangana chapalangana.

1 Petulo 1:24

Amalembo asosa ati, “Abantu bonse bali kubati isani, umuchinshi wabo uli kubati maluba. Isani liloma, namaluba alalukutila panshi,

1 Petulo 4:7

Nomba kumupwilo wafintu fyonse kwapalama. Echo mube abachenjela nokwikanya pakuti mulokulomba bwino.

1 Yohane 2:17

Ichalo nafyonse ifyabamo ifyo bantu bakumbwa fyakupita, lelo umuntu uuchita ubufwayo bwaku Lesa ekalilila umuyayaya.