1 Kolinto 7:19 - Chipangano Chabwangu

¹⁹ Ukushilimunwa nangu ukutashilimunwa takwalulapo kantu. Ichikulu kulama Amafunde aku Lesa.

1 Kolinto 7:19 ပူးပေါင်းရင်းမြစ်များ

Mateyo 5:19

Echo umuntu onse uukoyisa kutalamapo limo pali nga Mafunde, nangu lingachepa shani, nokusambisha abantu ukuchita fyenka mfilya, akuba umunini Mubufumu bwakumulu. Nomba uyo uukolama nokusambisha abantu ukuchita mfi, ye akuba umukulu Mubufumu bwakumulu.

Yohane 15:14

Mwebo muli fibusa fyanji nga mukokonka amafunde anji.

Loma 3:30

Chiweme, nomba kuli Lesa umo, uulungamika Abayuda pamulandu wachichetekelo chabo, nabenafyalo munshila imo yenka.

1 Kolinto 8:8

Nachine ichakulya tekuti chitufikishepo kuli Lesa iyowo. Nga tatulilepo, tatulufyapo akantu nangu kamo iyowo, nakambi atwalya tatusangamo akantu nangu kamo iyowo.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Galatiya 6:15

Temulandupo ukushilimunwa nangu ukutashilimunwa, ichikulu chakuti umuntu asanguke uwabwangu.

Kolose 3:11

Mubumi mbu tapapo ubupusano pakati ka Bayuda nabenafyalo, uwashilimunwa nangu uutashilimunwapo, abatasambilila, bankalwe, abasha nangu ababwanalale, kuntu ichikulu ni Klistu uwaba muli bonse.

Ukufisulula 22:14

Abashuka nimbalya abasamfya imikanjo yabo ukuti basuminishiwe ukulyako ifitwalo fyaku chiti ichipela ubumi nokwinjila mumilyango yamusumba.