1 Kolinto 7:18 - Chipangano Chabwangu

¹⁸ Nga umuntu balimwita ali uwashilimunwa, talingilepo ukufisa ifishibilo. Chimo chine nga Lesa alikwita taulashilimunwa, taulingilepo ukushilimunwa.

1 Kolinto 7:18 ပူးပေါင်းရင်းမြစ်များ

Imilimo ya batumwa 15:19

Epo Yakobe atwalilile ukusosa ati, “Nebo ukulanguluka kwanji kwakuti tatufwile ukuchushapo abenafyalo abakonakila Lesa.

Imilimo ya batumwa 15:24

Twalyumfwile ukuti abalalume bambi abamuli fwe balishile uko ukumusakamika nokumufulunganya imitima kufyo balikusosa. Mwandi mba bantu tefwepo twabatumine iyowo.

Imilimo ya batumwa 15:28

Pakuti Umupashi Wabuta ewatutangilile mukusuminishanya ukuti twilundapo fimbi pali mwe, kuntu amafunde nga enka ayalinga:

Imilimo ya batumwa 15:5

Nomba abachetekela bambi abamwibumba lya Bafalisi balimakene nokusosa ati, “Mba abenafyalo abachetekelapo balinjile ukuti bashilimunwe nokubakonkobesha ukuti balokulama amafunde awo Lesa apele kale kuli Mosesi.”

Imilimo ya batumwa 21:21

Bonse mba balyumfwa ukuti webo ulesambisha Abayuda bonse abayikala mubenafyalo ukuti tabalingilepo ukulama Amafunde akwa Mosesi. Elo wali kubeba ukuti belokushilimuna abana babo nangula ukukonka utufuto twesu.

Kolose 3:11

Mubumi mbu tapapo ubupusano pakati ka Bayuda nabenafyalo, uwashilimunwa nangu uutashilimunwapo, abatasambilila, bankalwe, abasha nangu ababwanalale, kuntu ichikulu ni Klistu uwaba muli bonse.