1 Kolinto 7:17 - Chipangano Chabwangu

¹⁷ Umuntu onse alingile ukwikala nobumi ubo Lesa amwitilemo. Mfi efyo nkoeba abantu bonse abamufilonganino.

1 Kolinto 7:17 ပူးပေါင်းရင်းမြစ်များ

Mateyo 19:12

Eko bali bambi abatangopapo, pantu efyo bafyelwe. Eko bali bambi abatangopapo, pantu abantu bambi babachitile mfi. Elo eko bali nabambi abasala ukutopapo, pantu bakofwaya ukupyungila Lesa. Uyo uungomfwa mfi, omfwishe.”

1 Kolinto 10:32

Ubumi bwenu bwilenga Abayuda, abenafyalo nangula ichilonganino chaku Lesa ukubifya.

1 Kolinto 11:16

Nomba nga umbi akofwaya ukutalika, nebo kuti namwasuka ukwebati fwebo pamo nefilonganino fyaku Lesa, tatukwetepo akafuto kambi.

1 Kolinto 11:34

Nomba nga umo ali nensala, kaalya kumwakwe ukutina ukuti Lesa engabalanga pamulandu wakulongana kwenu ukubi. Imilandu imbi nakwisa kumweba ulo nakwisa kuli mwe.

1 Kolinto 14:33

Pakuba Lesa te Lesapo wachimfulu-mfulu, kuntu wamutende. Nga mfilya chaba mufilonganino fyabantu baku Lesa,

1 Kolinto 16:1

Nomba pamulandu wafyabupe ifyakwafwilisha abachetekela, muchite kubati nimfilya naebele ichilonganino chaku Galatiya.

1 Kolinto 4:17

Pamulandu ngu namutumina Timoti, umwana wanji uwatemwekwa nakambi uwachetekela muli Bashikulu. Ye akumwibukisha ifyabumi bwanji muli Klistu, ubo nsambisha mufilonganino fyonse.

1 Kolinto 7:18

Nga umuntu balimwita ali uwashilimunwa, talingilepo ukufisa ifishibilo. Chimo chine nga Lesa alikwita taulashilimunwa, taulingilepo ukushilimunwa.

1 Kolinto 7:24

Echo bawesu umuntu onse alingile ukwikala pachinso chaku Lesa ukubati ifyo ali ulo ayitilwe.

1 Kolinto 7:7

Nga chaliweme ukuti mwebo mwapalana nandibo, nomba Lesa apele chila muntu ichabupe chakwe, umbi ichamfi, naumbi naye ichamfilya.

2 Kolinto 11:28

Ukulundapo, chila kasuba naliba uwasakamana pakwangalila ifilonganino fyonse.

2 Kolinto 8:18

Pamo na ye tukotuma wesu ngulya uwayishibikwa nefilonganino fyonse pamulandu wamulimo wakwe uwakushimika Ubutumi Bwawama.

Galatiya 1:22

Panshita njilya, abena Klistu bakufilonganino ifyaku Yudeya tabalati bambonepo iyowo.

1 Tesalonika 2:14

Bawesu, ifyamuchitikile nkulya efyachitikile namufilonganino fyaku Lesa ifyamu Yudeya. Abakaya benu bamuchushishe ukubati fintu bachilolo ba Bayuda bachushishe abena Klistu baku Yudeya.

2 Tesalonika 1:4

Emulandu wine tulayipakisha muli mwebo mufilonganino fyaku Lesa. Tulachita mfi pamulandu wakushipikisha mukuchetekela kwenu namumachushi aakulu onse mukosanga.