1 Kolinto 6:9 - Chipangano Chabwangu

⁹ Napo tamwishibilepo ukuti imbifi tashakabonepo ubufumu bwaku Lesa? Mwilokuyibepapo, abachende, abalomba tungosa wakubasa, inchechemeshi, abaulungana nabalalume banabo,

1 Kolinto 6:9 ပူးပေါင်းရင်းမြစ်များ

Mateyo 19:29

Na uyo onse uwasha inanda, nangula bawabo, nangula inkashi, nangula bawishi, nangula banyina, nangula abana, nangula amabala pamulandu wakunebo, akupokelelapo ifinji ukwinekantu ukuchila ifyo ashile. Akupokelela ubumi butapwa.

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Luka 21:8

Elo Yesu abasukile ati, “Chenjeleni ukuti umuntu nangu umo ekamubepapo. Pakuba abenji bakwishila mwishina lyanji nokusosa ati, ‘Nine Klistu!’ Nakambi, ‘Inshita nomba yafika!’ Nomba mwibakonka.

Imilimo ya batumwa 20:32

“Nomba namupela kuli Lesa nakumashiwi aasosa ubwanshi bwakwe. Ye ukuti amukoselesha nokumushukisha kuli fyonse ifyo Lesa ateyanishisha abantu bakwe.

Imilimo ya batumwa 24:25

Ulo Paulo atatikile ukulondolola ifyakuchita ifiweme, ukuyilama nobushiku bwakupingulwa, Felekisi ayiketwe nomwenso. Elo aebele Paulo ati, “Pali njino nshita koya ngale. Nakukwita ulo nakubona inshita iyiweme.”

Loma 1:18

Ubukali bwaku Lesa bukofisuluka ukufuma kumulu. Akokalipila abantu pamulandu wakubifya kwabo nokutamuchinshika. Mukubifya kwabo, bashimayisha ichine ukwebati chiyishibikwapo.

1 Kolinto 15:33

Bemupunamikapo, “Ukwikatana pamo nembifi ekonaula imibele iiweme.”

1 Kolinto 15:50

Icho nkomweba bawesu chakuti umuntu nomubili wakwe uwamunafi tangenjilamo mubufumu bwaku Lesa. Elo fyonse ifibola tekuti finjilepo uko ifintu fitabola.

1 Kolinto 3:16

Napo mwebo tamwishibilepo ati muli inanda yaku Lesa, nokuti Umupashi waku Lesa wikala muli mwe?

1 Kolinto 5:1

Chalyumfwika mpanga yonse ukuti pali ubulale-lale pakati kenu ubo nabantunse tekuti bachitepo. Chikoumfwika ukwebati banyika bakoulungana nomwana wakusanga munanda.

1 Kolinto 5:10

Nshikososapo ati mwilokumfwanapo nabantu abapanonshi ababulale-lale, bakabundulu, utupondo nangula abakulomba tungosa wakubasa. Nga chali mfi, nga mwalifumine kale panonshi.

1 Kolinto 5:11

Nomba nalimulembele ukuti mwipangapo buchibusa nomuntu uusosa ati mwina Klistu, kumbi akochita ubuchende, kabundulu, uulomba tungosa wakubasa, uwansele, chakolwa, nangula umung’o. Umuntu uwaba mfi, tamulingilepo nangu ukulya pamo nakwe.

1 Kolinto 6:10

bang’o, bakabundulu, bachakolwa, abansele, nangula utupondo tabakenjilemo mubufumu bwaku Lesa.

1 Kolinto 6:18

Talamukeni kubuchende. Pakuti ukubifya kumbi umuntu achita kwaba kunse yamubili, nomba umuntu uuchita ubuchende, abifya nomubili wakwe kumo.

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

1 Kolinto 9:24

Napo tamwishibilepo ukuti bonse balachimfyanya mulubilo, kuntu umo eupokelela ichilambu? Echo ukubutuka kwenu kube ukwakupokelela ichilambu.

2 Kolinto 12:21

Nkotina ukuti nga nayisa nakambi kuli mwe, Lesa wanji kuti amfwisha nsoni pamenso enu. Elo nande nakulila imisonshi pamulandu waku bo ababifishe kale, elo tabalapile pabusali bachitile: Ubuchende bwabo nefibi fyonse ifyo balikuchita.

Galatiya 6:7

Mwiyibepapo, umuntu tekuti atumpikepo Lesa iyowo. Ifyo umuntu abyala efyo akusepa.

Kolose 3:5

Ala, lekeni ukwikala kwenu ukwabuntunse: ubulale-lale, ubuchende, ulwinso ulubi nolunkumbwa ulwabipa. Pakuti ulunkumbwa emusango umo uwakulomba tungosa wakubasa.

Hebele 12:14

Esheni ukwikala nobumi bwabuta nabantu bonse munshila iilungeme, pakuti tapapo nangu umo uwakubona Bashikulu nga talungeme.

Hebele 12:16

Chenjeleni ukuti kwibapo nangu umo uwakuba uwabulale-lale, nangula abakusuula ifyaku Lesa kubati ni Esau, uyo washitishe ububele bwakwe nechakulya chimo bwaka.

Hebele 13:4

Ichupo mulokuchichinshika, abalume nabanakashi babo balokuchetekelana pakuti ababulale-lale nababuchende Lesa akabapingula.

Yemusi 1:16

Mwibepwapo mwe bawesu abatemwekwa.

1 Yohane 3:7

Mwileka umuntu amubepe bana banji. Umuntu onse uuchita ifyaololoka aaba uwaololoka kubati ni Klistu.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.