1 Kolinto 6:5 - Chipangano Chabwangu

⁵ Ukuba nkososa mfi ukuti mwashe nsoni. Napo pali mwe tapapo nangu umo uwamulangwe uungapingula imilandu pakati kabena Klistu banakwe?

1 Kolinto 6:5 ပူးပေါင်းရင်းမြစ်များ

Imilimo ya batumwa 1:15

Ulo papitile inshiku shinini, kwali ukulongana kwabachetekela bonse. Pamo bafikile kubati mwanda umo namakumi abili. Elo Petulo ayimakene pakati kabo nokusosa ati,

Imilimo ya batumwa 9:13

Ulo aumfwile mfi Ananiyasi ayasukile ati, “Bashikulu nalyumfwa kubenji imilandu yonse iibi iyo ngu muntu achita kubantu benu mu Yelusalemu.

1 Kolinto 11:14

Napo ichifyalilwa chesu tachisambisha ukuti chansoni umwalalume nga ateka imishishi.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

1 Kolinto 3:18

Mulokuyibepapo. Nga umuntu umbi pali mwe akoyilanguluka ukuba uwamulangwe, ukusosa pafintu ifyapanonshi, alingile ukuboneka nga uupuneme ukwebati aaluke uwamulangwe.

1 Kolinto 4:10

Pamulandu waku Klistu, fwebo bakotulanguluka ukuba abapuneme, elo mwe abamulangwe muli Klistu. Mwaliba abanaka, kuntu mwebo muli abafiso! Muli abachindama, nomba ifwe tuli abasulwa.

1 Kolinto 4:14

Tanshikomulembelapo mfi ukumwansha insoni, kuntu ukuti muchenjesheko bwaka pakuti muli bana banji abatemwekwa.

1 Kolinto 6:1

Kati umuntu umo uwaku mwebo alinomulandu kumwina Klistu munakwe, kuti autwala shani kubantu bakunse nokusha abantu baku Lesa banakwe?

1 Kolinto 6:4

Nomba nga muli nemilandu yamfi, napo kuti mwaya kupingulwa kubantu abatalipo akantu muchilonganino?

Yemusi 1:5

Kati umo pali mwe takwetepo umulangwe, alombe kuli Lesa uupela namaboko abili ukwambula ukuyilishanya.