1 Kolinto 6:3 - Chipangano Chabwangu

³ Napo tamwishibilepo ukuti twakwisa kupingula abangelo? Nga kanshi kuti chamukanga shani ukupingula imilandu yapanonshi?

1 Kolinto 6:3 ပူးပေါင်းရင်းမြစ်များ

Mateyo 25:41

“Elo akweba abakuba kuchipiko ati, ‘Fumeni mpa, mwe bashama. Kamuya mumulilo uutashimapo uwo Lesa apekanishishe Satana nabangelo bakwe.

Luka 21:34

“Ikaleni abayibukila! Muyiposa mukulya namukukolwa namumasakamiko yaku mbuno bumi, ichakuti nkalya kasuba keyisa kumupumikisha bwaka nokwikatwa

Luka 8:14

Imbuto shawile muminga, ebantu abomfwa amashiwi aku Lesa. Nomba amasakamiko nobusambashi namangalo aapanonshi, filabapulula, echo nefitwalo fyabo tafipyapo.

Loma 6:16

Mwalishiba ukuti nga mwayipela ubusha kumuntu umbi nokumumfwila, penkapo mwaba abasha bamuntu ngulya mukoumfwila. Nga mwaba abasha babubi, mwakwisa kufwa. Nomba nga nimwebo abasha baku Bashikulu, mwakulungamikwa.

1 Kolinto 6:15

Napo tamwishibilepo ukuti imibili yenu filundwa wamubili waku Klistu? Napo nakubula ifilundwa fyamubili waku Klistu nakufilundanya kuwabuchende? Nangu panini.

1 Kolinto 6:16

Napo tamwishibilepo ukuti umuntu nga aulungana nomwanakashi wabuchende basanguka umubili umo? Pakuba Amashiwi aku Lesa alisosa ati, “Mba babili bakuba umubili umo.”

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

1 Kolinto 6:4

Nomba nga muli nemilandu yamfi, napo kuti mwaya kupingulwa kubantu abatalipo akantu muchilonganino?

2 Timoti 2:4

Tapapo umushilikali uukolwa inkondo uupunamina pafintu ifyakumushi pakuti akofwaya ukusekesha uyo uwamwinjishe milimo.

2 Timoti 4:10

Pakuti Dimasi, pamulandu wakutemwa ifyapanonshi, alinshile nokuya ku Tesalonika. Kileseni ayile ku Galatiya, elo Taitasi ayile ku Dalumatiya.

2 Petulo 2:4

Pakuba Lesa talekelele abangelo ababifishe mbalya, kuntu alibaposele muchibembela chamulilo, muchilindi chamfishi uko bakakilwe ukulindila ukupingulwa.

Yuda 1:6

Ibukisheni abangelo abatali kupyunga imilimo nokusha ififulo fyabo. Lesa alibakakile nobunyololo butapwa. Nomba akobasunga muchilindi umufitile fititi ukufikila napakasuba nkalya akubapingula.