1 Kolinto 6:12 - Chipangano Chabwangu

¹² Umuntu umbi kuti asosa ati, “Ifintu fyonse fyalisuminishiwa kuli nebo.” Ina, nomba tefyonsepo ifiweme. Kuti nasosa ati, “Fyonse fyalisuminishiwa kuli nebo.” Nomba nalikana ukuti ichintu ichili chonse chinteke ubusha.

1 Kolinto 6:12 ပူးပေါင်းရင်းမြစ်များ

Yohane 5:10

Elo abakulu ba Bayuda baebele umuntu uwapolele ati, “Lelo kasuba ke Sabata. Tachasuminishiwa mu Mafunde esu ukuti upinte amachila obe.”

Loma 7:14

Twalishiba ukuti Ifunde lyafintu ifyamupashi. Nomba nebo ndi muntu bwaka, umusha wabubi.

1 Kolinto 8:4

Nomba pamulandu wafyakulya ifyo bapupila tungosa wakubasa, tulishibile ukuti tatukwetepo akantu. Elo tapapo Lesa umbi, sembi umo enka.

1 Kolinto 9:12

Kati bambi balilingile ukupokelelako mfi, napo fwebo tatwachilapo pali bo? Nomba insambu nshi tatwashibomfeshepo iyowo. Twalishipikishe ukutina ati twinganenusha abantu munshila iili yonse ukuti bapokelele Ubutumi Bwawama ubusosa ifyaku Klistu.

1 Kolinto 9:27

Ndachusha umubili wanji ukuti unakile. Nshikofwayapo ukuti nga nashila ukushimikila bambi, nebo nkafwilwe ukupoka ichilambu.

2 Tesalonika 3:9

Twachitile mfi, temulandu wakwebati tatukwetepo insambu ishakumweba ati mutwafwilisheko iyowo, kuntu ukuti chibe ichishibilo kuli mwebo.

Yuda 1:12

Mba bantu bali kubati fisemba fyafiko pakulya kwenu ukwachumfwano. Bakolya namwebo ukwambula insoni pakuti bakolama ifyabubi bwabo. Bali kubati makumbi aapintwa, elo tayaletapo nemfula. Nakambi bali kubati fiti ifitatwalapo ifitwalo panshita yafiko. Mba bantu balifwa kale.