1 Kolinto 6:11 - Chipangano Chabwangu

¹¹ Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

1 Kolinto 6:11 ပူးပေါင်းရင်းမြစ်များ

Mateyo 20:4

Elo abebele ati, ‘Namwebo kamuya mwibala lyanji, nakwisa kumufolesha isho mulingile ukufola. Nabo balile.’

Luka 18:14

Yesu asosele ati, ‘Nachine nkomweba ati, ngu uwamusonko abwelele kunanda yakwe uwanakililwa ukuchila umunakwe! Pakuti onse uukoyikusha akuchefekwa, kuntu uyo uwichefya akusumbukwa.’”

Yohane 13:10

Yesu asosele ati, “Muntu onse uwasamba kale aba uwawamikwa. Mba nindo angasambila nakambi, kuntu kusamba bwaka kumakasa akwe. Mwebo bonse muliwamikilwe, kuntu temwepo bonse iyowo.” (

Yohane 13:8

Petulo alikaninine ndi ati, “Nangu chibe shani nebo tamwasamfyepo amakasa anji!” Yesu alimwasukile ati, “Nga nebo tanshakusamfyepo amakasa obe, tawabepo uwakusambila wanji.”

Yohane 5:4

Pakuba munshita shimbi umungelo waku Lesa alikuya muchishiba mukufundaula amenshi. Umulwele onse uwabalilapo ukuchilukila muchishiba ulo amenshi afundayikile, ewalikupola kubulwele bonse ubo ali nabo.]

Imilimo ya batumwa 13:39

Echo mwishibe ukuti umuntu onse uchetekela Yesu alakakulwa kububifi bonse ubo Amafunde akwa Mosesi afililwe ukumufumyamo.

Imilimo ya batumwa 22:16

Nomba chindo icho ukolindila? Ima nokubatishiwa ukuti usambe amabifyo obe elo wite peshina lyaku Bashikulu.’

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 3:24

Nomba mubwanshi bwakwe ubuli bupe bwaka, alalungamika abantu bonse ukupitila muli Yesu Klistu uwatupulwishe.

Loma 4:5

Kati umuntu achetekela bwaka mushila yakuyitakisha mumilimo yakwe, Lesa uubona imbifi ukuba abakaele pamulandu wachichetekelo chakwe.

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Loma 5:9

Mfi twishibile ati tuli abalungama ukupitila mumfwa yakwe, nachine Klistu akwisa tupulusha kubukali bwaku Lesa.

Loma 8:30

Echo abo Lesa asalile ebo ayitile. Elo abo ayitile, akubalungamika. Nakambi abo alungamika, ebo aakene umuchinshi.

Loma 8:33

Mba ninani uwingapela umulandu kubasalwa baku Lesa? Lesa umwine alibalungamikile.

1 Kolinto 1:2

Tukolembela ichilonganino chaku Lesa ichili ku Kolinto. Lesa alimupatula muli Klistu Yesu nokumwita abantu bakwe, pamo nabo abeta peshina lyaku Bashikulu, konse uko bali. Ye e Shikulu wabo nakambi wesu.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 12:2

Mwalishiba ati ulo tamulachetekela, mwalikulufyanishiwa munshila shapusana-pusana ukuti mulokulomba tungosa wakubasa ututasosapo.

Galatiya 2:16

Twalishiba ukuti umuntu talungamikwa ukupitila mukulama Amafunde, sembi mukuchetekela muli Yesu Klistu. Nafwebo twachetekele Yesu Klistu ukuti tube abalungamikwa kuli Lesa, temukulamapo Amafunde iyowo. Pakuti Lesa tasosa ukuti umuntu uulama Amafunde ewo alungamika iyowo, pantu tapapo uulungamikwa pamulandu wakulama Amafunde.

Galatiya 3:11

Nomba twabona ukwebati Lesa tangalungamikapo umuntu uuchita ifyo Amafunde asosa. Pakuti Amalembo asosa ati, “Uyo umuntu Lesa apokelela nga uwalungama pakuti akochetekela, akuba nobumi butashila.”

Galatiya 3:24

Amafunde ali kubati nintungulushi ukufikila ulo Klistu afikile ukuti tupokelelwe nga abalungama pamenso aku Lesa ukupitila mukuchetekela.

Galatiya 3:8

Elo Amalembo alisosele kabela ukuti Lesa akupokelela abenafyalo nga abalungama ukupitila muchichetekelo chabo. Echo Lesa aebele Abulahamu Ubutumi Bwawama kabela ati, “Ukupitila muli webo, Lesa akushukisha imitundu yonse.”

Efeso 5:26

ukwebati achibutishe. Achibutishe pakuchisamfya namenshi, elo namashiwi aakwe.

Efeso 5:8

Namwe kale mwali mumfinshi, kuntu nomba muli mukusanika pakusangwa ukuti muli baku Bashikulu. Nomba mwende nga bantu abayikala mukusanika.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

Hebele 10:22

Echo katupalamine kuli Lesa nemitima iyachine nechichetekelo ichinenene. Imitima Yesu iwamishiwe ukwambula akalema nemibili Yesu isambwe namenshi ayabuta.

Hebele 10:29

Mba chakuba shani kumuntu uupontela Umwana waku Lesa, uusula umulopa wa chipangano chaku Lesa ichimuwamisha kumabifyo akwe, uutuka Umupashi Wabuta uutupele ubwanshi? Ukukandwa kwamuntu ngu kwakubipisha ukwinekantu.

Hebele 2:11

Uyo uuwamya abantu nabo abawamishiwa abo bonse balikwete Wishi umo. Emulandu enka ngu Yesu tomfwilapo insoni ukubeta ukuti bawakwe.

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

1 Petulo 3:21

Amenshi ngalya alipalana nolubatisho ulo shino nshiku lukomupulusha pamulandu wakubuka kwaku Yesu Klistu. Ukubatishiwa nku tekusambapo ifiko ifyapamubili, kuntu ukuyipela kuli Lesa nomutima wachine. Lulamupulusha ukupitila mukubuka kwaku Yesu Klistu kubafwa.

1 Yohane 2:12

Nkolembela mwebo mwe bana banji pantu ububi bwenu bulelelwa pamulandu waku Klistu.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 7:14

Nebo nayaswike ati, “Bashikulu mwe mwishibe nimwebo.” Elo anjebele ati, “Mba ebali mumachushi aakulu ngalya. Balichapa iminjila yabo nokuyitubisha mumulopa wa Mwana wambelele.