1 Kolinto 6:10 - Chipangano Chabwangu

¹⁰ bang’o, bakabundulu, bachakolwa, abansele, nangula utupondo tabakenjilemo mubufumu bwaku Lesa.

1 Kolinto 6:10 ပူးပေါင်းရင်းမြစ်များ

Mateyo 21:19

Ulo abwene umukunyu mumbali yanshila, alileko ukuti alyeko amakunyu. Nomba asangileko bwaka amabula enka. Elo asosele kumukunyu ati, “Ukufuma nduno tawakatwalepo nakambi ifisabo.” Penkapo umukunyu ngulya walyumine.

Mateyo 23:13

“Ishamo kuli mwebo mwe basambishi ba Mafunde na Bafalisi, mwe bakutumpayika! Mulesala pamulyango wabufumu bwakumulu pakuti abantu bayinjilamo. Namwe tamwinjilamo, elo nabo abakofwaya ukwinjilamo mulabakanya. [

Mateyo 23:33

Mwe nsoka, mwe bana bafipili, kanshi mukaya kupuluka shani kubupingushi bwakuposwa mumulilo utashimapo!

Yohane 12:6

Asosele mfi tepamulandupo wakulangulukila abachula iyowo, nipakuti ali mung’o. Ewalikupinta itumba lyandalama nokuyibulilamo.

Imilimo ya batumwa 20:32

“Nomba namupela kuli Lesa nakumashiwi aasosa ubwanshi bwakwe. Ye ukuti amukoselesha nokumushukisha kuli fyonse ifyo Lesa ateyanishisha abantu bakwe.

1 Kolinto 15:50

Icho nkomweba bawesu chakuti umuntu nomubili wakwe uwamunafi tangenjilamo mubufumu bwaku Lesa. Elo fyonse ifibola tekuti finjilepo uko ifintu fitabola.

1 Kolinto 5:11

Nomba nalimulembele ukuti mwipangapo buchibusa nomuntu uusosa ati mwina Klistu, kumbi akochita ubuchende, kabundulu, uulomba tungosa wakubasa, uwansele, chakolwa, nangula umung’o. Umuntu uwaba mfi, tamulingilepo nangu ukulya pamo nakwe.

Galatiya 5:21

abalunkumbwa, ukukolwa, buchakolwa nafimbi ifyaba nge mfi. Nkomuchenjeshako nomba ukubati nimfilya nachitile akale, bonse bo abachita mfi fintu tabakapokepo Ubufumu bwaku Lesa.

Efeso 4:28

Umung’o aleke ukwiba, kuntu abomfye amaboko akwe mumilimo iiweme ukwebati angapelako abatakwetepo.

Efeso 5:5

Mwishibe nchi ichakuti umuntu onse uwabuchende nangula uuchita ifyabusali, nangula kabundulu (pakuti bukabundulu chimo nokulambila tungosa wakubasa), takapokelelepo ubufumu bwaku Klistu nobwaku Lesa.

1 Tesalonika 4:6

Pali nchi umuntu uuli onse talingilepo kulufyanya nokubepa umunakwe. Kubati nimfilya twamukonkobeshe kale, Lesa akulandula bonse abakochita mfi.

1 Petulo 4:15

Pesangwapo nangu umo pali mwebo ukochula pamulandu wakwipaya umuntu, nangu ukwiba, nangu ukuchita ichibi nangu ukwinjilila ifyabene.