1 Kolinto 5:7 - Chipangano Chabwangu

⁷ Fumyenipo ichimena ichakale ichabubi ukuti mube umufuba uwabwangu. Elo mwakuba umufuba wabwangu kubati nimfilya muli. Pakuti Klistu, Umwana Wambelele wesu uwa Chakulya Chakuchilila, alipayilwe kale nga ipupo.

1 Kolinto 5:7 ပူးပေါင်းရင်းမြစ်များ

Mateyo 13:33

Nakambi Yesu abebele nachimbi ichelusho ati, “Ubufumu bwakumulu buli kubati mimena iyo umwanakashi ayabikile muli bansako batatu, nokufuba umufuba ukufikila onse watutumuka.”

Maliko 14:12

Mukasuba kakubalilapo akakulyamo Chakulya Chakuchilila, ekasuba Abayuda balikwipayamo umwana wa mbelele ukuba ichipupo chapa chakulya nchi, abakusambila bafumbile Yesu ati, “Kanshi nikwisa uko mukofwaya ukuti tumuwamishishe Chakulya Chakuchilila?”

Yohane 1:29

Pakasuba kakonkelepo, Yohane Mubatishi abwene Yesu akoyisa kuli Ye. Elo asosele ati, “Boneni, ngulya e Mwana Wambelele waku Lesa uupinta amabifyo abantu bonse!

Yohane 1:36

Ulo abwene Yesu akoenda, asosele ati, “Boneni Umwana wa Mbelele waku Lesa!”

Yohane 19:14

Kali kasuba kakuteyanya inshiku nkulu ya Chakulya Chakuchilila, nakambi akasuba kali pakati kamutwi. Pilato asosele ku Bayuda ati, “Boneni ngu Imfumu yenu!”

Loma 3:25

Lesa amupele ngu ukuti mumfwa yakwe abe nshila yakunakila amabifyo yabantu bonse abamuchetekela. Nchi chilanga ukulungama kwaku Lesa. Akale Lesa alikuteka umutima nokuleka amabifyo abantu.

1 Kolinto 10:17

Pakuba umufuba umo bwaka. Nangu fwebo tuli abenji, twaba umubili umo pantu tulya kumufuba umo.

1 Kolinto 5:13

Lesa eupingula abakunse mbalya. Echo Amalembo asosa ati, “Mufumyenimo umuntu umubi uyo pakati kenu.”

Efeso 4:22

Echo muleke imyendele yenu iyakale, ubumi bwenu mbulya ubwalikonaika pamulandu uwalunkumbwa ulwabufi.

Ukufisulula 5:12

nalibomfwile bakoyimba nokubilikisha amashiwi ati, “Umwana wambelele uyo bayipeye, ewulingile ukupokelela ifiso, ububoni, umulangwe, amaka umuchinshi, ubuleme nokutondayisha.”