1 Kolinto 5:5 - Chipangano Chabwangu

⁵ mulingile ukuposa ngu muntu kuli Satana ukuti umubili wakwe ukonayike, pakuba umupashi wakwe ukapulushiwe pakasuba kaku Bashikulu.

1 Kolinto 5:5 ပူးပေါင်းရင်းမြစ်များ

Mateyo 4:10

Yesu alimwasukile ati, “Fuma mpa, we Satana! Pakuti chalilembwa ati, ‘Ulokulambila Bashikulu Lesa obe, mba benka ebo ulokupyungila.’”

Luka 22:31

“Simoni! Simoni! Umfwa! Satana asuminishiwa ukuti amweshe mwe bonse, ukupatula ubune ukufuma kububi, ukubati nimfilya umulimi apatula umusungu kuli tiligu.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

1 Kolinto 1:8

Ye akumukosha ukufika nakumupwilo, ukwebati mwikabapo abamulandu pakasuba kaku Bashikulu Yesu Klistu.

1 Kolinto 11:32

Nomba ulo Bashikulu batupingula, batuchenjesha ukuti twikapelwapo umulandu pamo nabatayishibapo Lesa.

1 Kolinto 5:13

Lesa eupingula abakunse mbalya. Echo Amalembo asosa ati, “Mufumyenimo umuntu umubi uyo pakati kenu.”

2 Kolinto 10:6

Ulo mwebo mwalanga ukumfwila ukwinenene, tuli abayipekanya ukupela umulandu onse uutomfwila.

2 Kolinto 12:7

Nomba ukutina ukwebati ningayitutumuna pamulandu wafikulu ifinji ifyo Bashikulu bamfisulwile, nalipelwe ichifinya ukwinekantu mumubili wanji, chali nintumi yakwa Satana ichali kunchusha ukwebati ningayitutumuna ukuchilapo.

2 Kolinto 13:10

Nkolemba mfi ulo nshilafika kuli mwe ukwebati nga nafika, nikasangilapo apakubomfya insambu shandi ishabutungulushi mubukali. Bashikulu balimpele ubutungulushi mbu ukuti mwimake, tekumubongololapo iyowo.

Filipi 1:6

Echo ndishibile ukwebati Lesa uwatatikile umulimo uuweme ngu muli mwe, akutwalila ukufika ukashile pakasuba ulo Klistu Yesu akubwela.

1 Timoti 1:20

Mukati kabo muli Hayimeneyasi na Alekisanda bo napele kuli Satana. Nchi chakubasambisha ukuti belokusuulapo Lesa.

2 Timoti 1:18

Bashikulu bamusuminishe ukuti apokelele inkumbu kuli Lesa pabushiku bwabupingushi. Walishiba bwino ukuti alingafwilishe ukwinekantu ku Efeso.

2 Petulo 3:12

Mukolindila akasuba akakubwela kwaku Lesa ulo mupyunga mukwangufyanya akasuba nkalya. Pali nka kasuba ifyakumulu fyakupya nokonaulwa kumulilo, elo ifintu fyonse fyakusungulika kumulilo.

1 Yohane 5:16

Nga umuntu umbi abona wakwe akochita ububi ubutatwalapo kumfwa, afwile ukumulombelako kuli Lesa. Elo Lesa akumupela ubumi ngu muntu uubifishe. Nkososa kuli bo abachita ububi ubutatwalapo kumfwa. Nomba kuli ububi ubuleta imfwa. Elo nshikososapo ukuti mulokulomba kuli Lesa pali nchi.