1 Kolinto 5:11 - Chipangano Chabwangu

¹¹ Nomba nalimulembele ukuti mwipangapo buchibusa nomuntu uusosa ati mwina Klistu, kumbi akochita ubuchende, kabundulu, uulomba tungosa wakubasa, uwansele, chakolwa, nangula umung’o. Umuntu uwaba mfi, tamulingilepo nangu ukulya pamo nakwe.

1 Kolinto 5:11 ပူးပေါင်းရင်းမြစ်များ

Mateyo 18:17

Kati akana ukubomfwila nabo, webeko abamuchilonganino chaku Lesa. Nga akana ukubomfwila abamuchilonganino, elo umuchite nga uwakunse nangu kasonkesha.

Mateyo 23:25

“Ishamo kuli mwebo mwe basambishi ba Mafunde na Bafalisi, mwe bakutumpayika! Musamfya inkombo nembale kunse, kuntu mukati mwayiulamo ifyo mwapokolola kubunkalwe nakuli bukayitemwe.

Luka 18:11

Elo umu Falisi alimakene nokulomba apaenka ati, ‘Nkomutotela mwe Lesa pakuti nshapalanapo nabantu bambi, abachenjeleka, abatalungama, abachende, nabonse bwaka, nangula kubati ningu uwamusonko.

Luka 21:34

“Ikaleni abayibukila! Muyiposa mukulya namukukolwa namumasakamiko yaku mbuno bumi, ichakuti nkalya kasuba keyisa kumupumikisha bwaka nokwikatwa

Imilimo ya batumwa 1:15

Ulo papitile inshiku shinini, kwali ukulongana kwabachetekela bonse. Pamo bafikile kubati mwanda umo namakumi abili. Elo Petulo ayimakene pakati kabo nokusosa ati,

Imilimo ya batumwa 9:17

Elo Ananiyasi ayile nokwinjila munanda umwali Saulo, abikile amaboko akwe pali ye nokusosa ati, “Saulo muwesu, Bashikulu bantuma, Yesu ngulya wabwene munshila ulo walikwisa nkuno. Antuma ukuti webo ubone nakambi, nokuti wiyule no Mupashi Wabuta.”

Loma 13:13

Tulokwenda nga bantu abali mukasuba. Kwibapo bukabundulu nangu buchakolwa, ubulale-lale nangu bumbifi, ulubuli nangu umufimbila.

Loma 16:17

Nkomupapata, mwe bawesu, chenjeleni nabo abapatukanya abantu pakati kenu nokulenga abanabo ukubifya. Pakuchita mfi balasha ukusambilila uko mwapokelele. Batalukeni!

1 Kolinto 10:14

Echo mwe batemwekwa banji, fumeniko kukululomba tungosa wakubasa.

1 Kolinto 11:21

Pantu ulo mukolya umuntu onse afwayisha ukulya ichakulya chakwe enka. Echo umbi kuti alifwile kunsala, elo umbi naye alikolelwe.

1 Kolinto 5:13

Lesa eupingula abakunse mbalya. Echo Amalembo asosa ati, “Mufumyenimo umuntu umubi uyo pakati kenu.”

1 Kolinto 6:10

bang’o, bakabundulu, bachakolwa, abansele, nangula utupondo tabakenjilemo mubufumu bwaku Lesa.

1 Kolinto 6:6

Mba nindo nga umwina Klistu umo akopela umulandu umwina Klistu munakwe mutwala umulandu ngu kubatachetekelapo ukuti bamulubulwishe?

1 Kolinto 6:9

Napo tamwishibilepo ukuti imbifi tashakabonepo ubufumu bwaku Lesa? Mwilokuyibepapo, abachende, abalomba tungosa wakubasa, inchechemeshi, abaulungana nabalalume banabo,

1 Kolinto 7:12

Kuli bambi nkososa, (Nebo te Bashikulu iyowo,) ukuti umwina Klistu uwaupa umwanakashi uutachetekela muli Yesu Klistu, naye umwanakashi asumina ukwikala nakwe, umulume wakwe emubengapo iyowo.

1 Kolinto 7:15

Nomba uutachetekela kati akofwaya ukubenga umwina Klistu, kamubenge. Nga chaba mfi, umulume uwachetekela nangu umukashi takakwapo. Pakuba Lesa alimwita ukuti mwikale mumutende.

1 Kolinto 8:11

Echo umuntu ngu uwanaka, wenu, akuloba pamulandu wakwishiba kobe. Wachita mfi kuli wobe uwo Yesu afwilile pamulandu wabuntungwa bobe.

Galatiya 2:12

Ulo tabalafika abantu abatuminwe na Yemusi, Petulo alikulya nabenafyalo. Nomba ulo bafikile, aliyipatulwile. Talikufwayapo ukulya nabo pakuti alikutina bantu abalikufwaya ukuti abenafyalo bashilimunwe.

Efeso 5:18

Mwikolwapo nawaini, pakuti mwakonaika bwaka. Nomba mwiulemo no Mupashi Wabuta.

Efeso 5:5

Mwishibe nchi ichakuti umuntu onse uwabuchende nangula uuchita ifyabusali, nangula kabundulu (pakuti bukabundulu chimo nokulambila tungosa wakubasa), takapokelelepo ubufumu bwaku Klistu nobwaku Lesa.

Kolose 3:5

Ala, lekeni ukwikala kwenu ukwabuntunse: ubulale-lale, ubuchende, ulwinso ulubi nolunkumbwa ulwabipa. Pakuti ulunkumbwa emusango umo uwakulomba tungosa wakubasa.

2 Tesalonika 3:14

Nga umuntu umo akokana ukunakila amashiwi amukalata nji, mutalukeko kuli ye. Mwiba pamo iyowo ukuti omfwe insoni.

2 Tesalonika 3:6

Bawesu, tukomukonkobesha mwishina lyaku Bashikulu Yesu Klistu ukuti mutalamukeko kuli bawesu bonse abanang’ani nakambi abatafwayapo ukukonka ifyo twamusambishe.

1 Timoti 3:3

Talingilepo ukuba chakolwa nangula uwalubuli, kuntu uwafuuka umutima, uwamutende, uutatemwapo indalama.

1 Timoti 6:5

nokulaka inshita shonse ukufuma kubantu abo amano abo alyonayika, abatangeshibapo ifyachine. Bena balanguluka ukuti ukulomba Lesa enshila yakusangilamo ububoni.

2 Yohane 1:10

Nga umuntu umbi ayisa kuli mwe nokumusambisha fimbi, mwimupokelelapo munanda yenu. Tekwesha nokusosapo ati, “Mutendepo bamfumu,” iyowo.

Ukufisulula 2:14

Nomba kuli ifintu fimbi ifyo nkokukalipilapo. Kwaliba abantu bambi abakonka ukusambisha kwakwa Balaamu, uyo uwasambishe Balaki ukutungulula abena Isilaeli ukubifya ulo abebele ukuti balye ifyapupilwe kuli tungosa wakubasa nokuchita ubulale-lale.

Ukufisulula 2:20

Nomba ndikwete umulandu umo nawebo uwakuti ulalekelela umwanakashi Yesebelo usosa ati musoseshi waku Lesa. Ye alabepa abapyungi banji ukuti bachite ubulale-lale nokulya ifyakulya bapupila tungosa wakubasa.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.