1 Kolinto 4:4 - Chipangano Chabwangu

⁴ Ukuba mumutima wanji tamupo umulandu nangu umo. Nomba nangu chibe mfi, tanshikososapo ati ndiwakayele. Bashikulu benka ebampingula epala.

1 Kolinto 4:4 ပူးပေါင်းရင်းမြစ်များ

Yohane 21:17

Inshita iyachitatu, Yesu amufumba nakambi ati, “Simoni, mwana Yohane, napo walintemwa?” Petulo abele nechikonko pantu Yesu amufumbile nomba umuku wabutatu ati, “Napo walintemwa?” Epo naye aasukile ati, “Bashikulu, mwebo mwayishiba ifintu fyonse. Mwalishiba ukuti nalimutemwa!” Yesu amwebele ati, “Lisha imbelele shanji.

Imilimo ya batumwa 23:1

Paulo aloleseshe bashichilye nokusosa ati, “Mwe bawesu, Abaisilaeli bananji. Nshikotwishikapo mumutima wanji pabumi nali nabo kuli Lesa ukufikila nanomba.”

Loma 2:13

Pakuti Lesa tabonapo abantu nga balungama pakumfwa Amafunde iyowo, kuntu nimukuchita ifyo Amafunde afwaya.

Loma 4:2

Kati Ye Lesa amulungamika pafintu ifyo achitile, kuti akwata ukuyitakisha, kuntu tepachinso chaku Lesa.

1 Kolinto 4:3

Nebo tekuti nsakamanepo nangu panini ukupingulwa kuli mwebo nangula kumulingo wabuntunse. Elo tekuti njipingulepo nenka iyowo.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 5:10

Pakuba fwe bonse twakuya kubonekela pachinso chaku Klistu ukuti akatupingule. Kwenka nkulya uuli onse akupokelela ifimulingile, ukulingana nefyo achitile panonshi, ifiweme nangula ifibipile.