1 Kolinto 4:17 - Chipangano Chabwangu

¹⁷ Pamulandu ngu namutumina Timoti, umwana wanji uwatemwekwa nakambi uwachetekela muli Bashikulu. Ye akumwibukisha ifyabumi bwanji muli Klistu, ubo nsambisha mufilonganino fyonse.

1 Kolinto 4:17 ပူးပေါင်းရင်းမြစ်များ

Mateyo 24:45

“Nga ninani engaba umupyungi wachine, uwamano uwo Bashikulu bakwe bengasonta pabapyungi banakwe ukuti eye alokubapela ichakulya panshita iilingile?

Mateyo 25:21

Elo shikulu wakwe amwebele ati, ‘Wachita bwino wemupyungi uuweme nakambi uwachetekelwa. Pakuti waba wachine patunini, nomba nkokubika ukuba umukulu pafintu ifinji. Echo injila usekelele pamo nandibo ne shikulu obe.’

Mateyo 25:23

Elo shikulu wakwe amwebele ati, ‘Wachita bwino wemupyungi uuweme nakambi uwachetekelwa. Pakuti waba wachine patunini, nomba nkokubika ukuba umukulu pafintu ifinji. Echo injila usekelele pamo nandibo ne shikulu obe.’

Imilimo ya batumwa 16:1

Nomba Paulo ayile kumushi wa Debe na Lisitula. Uko kwalikwikala uwachetekela umo uwalikwitwa Timoti. Banyina bali Bayuda abachetekela muli Klistu, kuntu bawishi Timoti bali Bagiliki.

1 Kolinto 11:16

Nomba nga umbi akofwaya ukutalika, nebo kuti namwasuka ukwebati fwebo pamo nefilonganino fyaku Lesa, tatukwetepo akafuto kambi.

1 Kolinto 11:2

Nkomutotela pakunjibukisha muli fyonse nokwikatisha ifyo namusambishe.

1 Kolinto 11:34

Nomba nga umo ali nensala, kaalya kumwakwe ukutina ukuti Lesa engabalanga pamulandu wakulongana kwenu ukubi. Imilandu imbi nakwisa kumweba ulo nakwisa kuli mwe.

1 Kolinto 14:33

Pakuba Lesa te Lesapo wachimfulu-mfulu, kuntu wamutende. Nga mfilya chaba mufilonganino fyabantu baku Lesa,

1 Kolinto 16:1

Nomba pamulandu wafyabupe ifyakwafwilisha abachetekela, muchite kubati nimfilya naebele ichilonganino chaku Galatiya.

1 Kolinto 16:10

Nga Timoti ayisa kuli mwe, mulingile ukwikala nakwe mumutende, ukwambula ichakumutinya pantu apyungila Bashikulu kubati nine.

1 Kolinto 4:14

Tanshikomulembelapo mfi ukumwansha insoni, kuntu ukuti muchenjesheko bwaka pakuti muli bana banji abatemwekwa.

1 Kolinto 4:15

Nangu mungakwata abakusambisha amakana ikumi mubwina Klistu bwenu, tekuti mukwatepo bawishinwe abenji iyowo. Pakuba muli Klistu, nabele wishinwe pamulandu wakumushimikila Ubutumi Bwawama.

1 Kolinto 4:2

Nomba ichilingile kubasontwa kuba abachishinka kuli shikulu wabo.

1 Kolinto 7:17

Umuntu onse alingile ukwikala nobumi ubo Lesa amwitilemo. Mfi efyo nkoeba abantu bonse abamufilonganino.

1 Kolinto 7:25

Pamulandu waku bo abataupwa, tanshikwetepo ifunde ukufuma kuli Bashikulu, kuntu nkomweba amalangulushi anji ngoyo Bashikulu bakwatile ichisa ichakuti mbe uwachetekelwa.

2 Kolinto 8:18

Pamo na ye tukotuma wesu ngulya uwayishibikwa nefilonganino fyonse pamulandu wamulimo wakwe uwakushimika Ubutumi Bwawama.

Efeso 6:21

Tikikasi, wesu uwatemweka akumweba ifintu fyonse ifyaku nebo, ifyo njikala nefyo nkochita. Ngu mupyungi uwachetekela waku Bashikulu.

Filipi 2:19

Nga kufwaya kwaku Bashikulu Yesu, nkochetekela ukwebati bwangu-bwangu nakumutuma Timoti kuli mwe, ukuti umutima wanji wikale shilili ulo nakumfwa ifyaku mwebo.

Filipi 2:22

Pakuba mwalishiba ukuti imikalile yakwa Timoti yaba kale apatubile iiweme. Kubati ifyo umwana abomba nabawishi, naye twaliketene pamo mukutanda Ubutumi Bwawama.

Kolose 1:7

Mwasambilile nchi kuli Epafulasi umupyungi munesu uyo twatemwa. Elo umupyungi ngu twachetekela uwaku Klistu aba kuli mwebo muchifulo chesu.

Kolose 4:9

Akoyisa na Onesimasi, umunesu uwatemwekwa nakambi uwachetekelwa, ngu wamwibumba lyenu. Bakoyisa kumwebako fyonse ifichitika.

1 Timoti 1:18

We mwana wanji Timoti nkokukonkobesha ukusunga amashiwi nga ukulingana namashiwi abasoseshi awo basosele akale ifyaku webo. Amashiwi nga abe akukwafwako mukulwa inkondo iiweme.

1 Timoti 1:2

Nkokulembela webo Timoti mwana wanji uwakwebesha muchichetekelo. Lesa Bata na Klistu Yesu Bashikulu wesu bakupele ubwanshi, inkumbu, elo nomutende.

2 Timoti 1:2

Nkolembela webo Timoti, mwana wanji uwatemwekwa. Lesa Bata na Klistu Bashikulu wesu bakukwatile ubwanshi, inkumbu nomutende.

2 Timoti 2:2

Amashiwi onse waumfwile kuli nebo pamenso yabakamboni abenji, uyasose kubantu abachetekela abo bakwisa kusambisha bambi.

2 Timoti 3:10

Nomba webo walishiba bwino-bwino ukusambisha kwanji, imyendele yanji, amapange yanji, ichichetekelo chanji, ukufuka umutima kwanji, ukutemwa kwanji, ukushipikisha kwanji,

Taitasi 1:5

Nalikushile ku Kileti ukuti ulungike fyonse ifyali ifitalungemepo, ukusala abakulu bafilonganino mumishi yonse kubati nimulya nakulangile.

Ukufisulula 2:10

Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.

Ukufisulula 2:13

Ye akoti, Nalishiba uko wayikala. Wayikala nkulya ukwaba ichipuna chakwa Satana. Webo waliba uwachetekela kuli nebo, nakambi tawaposapo ichichetekelo icho ukwete muli nebo nangu mpanshita yakwa Antipasi, kamboni wanji uwachishinka. Ngu bamwipayile nkulya ukwikala Satana.