1 Kolinto 4:14 - Chipangano Chabwangu

¹⁴ Tanshikomulembelapo mfi ukumwansha insoni, kuntu ukuti muchenjesheko bwaka pakuti muli bana banji abatemwekwa.

1 Kolinto 4:14 ပူးပေါင်းရင်းမြစ်များ

Imilimo ya batumwa 20:31

Echo mube abayibukila nokwishiba ukuti pamyaka itatu nalikusambisha umo-umo akasuba nobushiku neminsoshi iyinji.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

1 Kolinto 4:15

Nangu mungakwata abakusambisha amakana ikumi mubwina Klistu bwenu, tekuti mukwatepo bawishinwe abenji iyowo. Pakuba muli Klistu, nabele wishinwe pamulandu wakumushimikila Ubutumi Bwawama.

1 Kolinto 4:17

Pamulandu ngu namutumina Timoti, umwana wanji uwatemwekwa nakambi uwachetekela muli Bashikulu. Ye akumwibukisha ifyabumi bwanji muli Klistu, ubo nsambisha mufilonganino fyonse.

1 Kolinto 6:5

Ukuba nkososa mfi ukuti mwashe nsoni. Napo pali mwe tapapo nangu umo uwamulangwe uungapingula imilandu pakati kabena Klistu banakwe?

1 Kolinto 9:15

Echo nebo nshabomfeshepo insambu nshi. Elo tanshikolembelapo kalata nji ukufwaya ukubomfya insambu nshi. Nomba kuti nafwa bwaka muchifulo chakuti umo afumye icho njitakishapo.

2 Kolinto 11:11

Nipamulandu ndo? Napo nshamutemwapo? Lesa alishibile ati nalimutemwa.

2 Kolinto 12:19

Nalimo mukolanguluka ukuti tukofwaya ukuyiwamisha pemenso enu? Tefyopo, pamenso aku Lesa, tusosa muli Klistu. Elo pali fyonse, mwe batemwekwa banji, tukofwaya ukumukoseleshako.

2 Kolinto 7:3

Nshikososapo mfi ukwebati musangwe abamulandu. Kubati ifyo nsosele kale, mwebo mwaba mumitima yesu nangu kumfwa nangu kubumi.

Kolose 1:28

Nomba tushimikila Klistu kubantu bonse, tuchenjesha nokusambishako abantu bonse pachinso chaku Lesa ukuti babe abakosa muli Klistu.

1 Tesalonika 2:11

Mulishibile ifyo twalikulama umo na umo kubati niwishi uulama abana bakwe.

1 Tesalonika 5:14

Mwe bawesu, tukomupapata ukuti muchenjeshe abanang’ani, mukoseleshe abena Klistu abakutintilila, mwafwilisheko abanaka. Mulokuteka umutima kubantu bonse.

2 Tesalonika 3:14

Nga umuntu umo akokana ukunakila amashiwi amukalata nji, mutalukeko kuli ye. Mwiba pamo iyowo ukuti omfwe insoni.

Filimoni 1:10

Nkokupapata muli Klistu pamulandu wakwa Onesimasi uyo uwaba mwana wanji ulo ndimuchifungo.

1 Yohane 2:1

Mwe bana banji, nkomulembela mfi ukuti mulokubifyapo. Lelo nga umo abifya, tulikwete kafwa utulubulwilako kuli Shifwe, ni Yesu Klistu uulungeme.

3 Yohane 1:4

Tapapo ichinengela ukutemwa ukwinekantu ukuchila ukumfwa ati abana banji bakoyenda muchine.