1 Kolinto 4:12 - Chipangano Chabwangu

¹² Tulapyunga imilimo namaboko esu. Ulo bantu batulapisha, fwebo tulabalombela kuli Lesa ukuti abashukishe. Ulo batuchusha, fwebo tulashipikisha.

1 Kolinto 4:12 ပူးပေါင်းရင်းမြစ်များ

Mateyo 5:11

“Mwalishuka mwebo ulo abantu bakomusuula, bakomuchusha, bakomweba ifibi fyonse nokumubepesha ubufi pamulandu wanji.

Mateyo 5:44

Nomba nkomweba ati, temweni abalwani benu nokubalombelako abakomuchusha.

Luka 23:34

Yesu asosele ati, “Bata, banakilileni pantu tabeshibilepo icho bakochita.” Elo bayakene amalaya yakwe mukuchita bumwine-mano.

Luka 6:28

Bashukisheni abakomuchitila inkasa. Nakambi balombeleni bo abakomuchusha.

Yohane 15:20

Ibukileni ifyo nasosele namwe ukuti, ‘Umusha tali umukulu ukuchila shikulu wakwe!’ Nga balinchushishe nebo, epo bakumuchusha namwe kumo. Nga basungile ukusambisha kwanji, elo bakusunga nokusambisha kwenu.

Imilimo ya batumwa 18:3

Alikele nokubomba nabo pantu ali uwakupikula amatenti kubati nibo.

Imilimo ya batumwa 20:34

Mwe mwalishiba ukuti nalikuyipyungila namaboko anji nga ukusanga ifyo nebo nambalya twalinabo twalikukabila.

Imilimo ya batumwa 7:60

Nakambi alifukeme nokwaula neshiwi ilikulu ati, “Bashikulu, mwibapela umulandu pabubi mbu bakochita!” Ulo asosele mfi, alifwile.

Loma 12:14

Lombeni kuli Lesa ukuti ashukishe abo abakomuchusha. Ina, muchite mfi mwilokubalapishapo iyowo.

Loma 12:20

Echo, kubati nimfilya Amalembo asosa ati, “Nga chipondo chobe chili nensala, chipeleni ichakulya. Nga alinechilaka, mupeleni amenshi ayakunwa.” Pakuti pakuchita mfi, ulamumfwisha insoni ukwinekantu.

Loma 8:35

Mba ninani uwakutulekanya mukutemwa kwaku Klistu? Napo fyakutuchusha nangula ifyabwafya, nalimo amachushi nangula insala, ububusu nangula ifitinya, nangula imfwa?

1 Kolinto 9:6

Napo nine na Banabasi fwenka abalingile ukuyipyungila ukuti tusange ifyo tatukwetepo?

2 Kolinto 11:8

Ulo napokelele ubwafwilisho kufilonganino fimbi, kubati kubapoka bwaka ifyabo ukwebati mwafwilisheko.

Efeso 4:28

Umung’o aleke ukwiba, kuntu abomfye amaboko akwe mumilimo iiweme ukwebati angapelako abatakwetepo.

1 Tesalonika 2:9

Nachine mukoyibukisha ifyo twalikubombesha ulo twali namwe. Twalikubomba akasuba nobushiku ukuti takupo bwafya kuli mwebo ulo twalikubilisha Ubutumi Bwawama ubufuma kuli Lesa.

2 Tesalonika 3:8

Tatwapokelepo ubwafwilisho ubuli bonse ukufuma kumuntu uuli onse ukwambula ukulipila iyowo. Nomba twabombele nokuchula fwenka akasuba nobushiku, ukuti twichushapo nangu umo muli mwebo.

1 Timoti 4:10

Emulandu tupyungila nefiso nokulwisha, pakuti ichichetekelo chesu chaba muli Lesa uwabumi uyo uuli Mupulushi wabantu bonse, nokuchilapo abo abachetekela.

1 Petulo 2:23

Ulo abantu balikumusalula, tabalandwilepo iyowo. Ulo bamuchushishe, Ye tabachushishepo, kuntu abikile fyonse kuli Lesa uupingula umulinganya.

1 Petulo 3:14

Nomba nangu mukoumfwa ukufinya pamulandu wakuchita ifiweme, mwakushukishiwa. Mwilokutinapo abantu nangu ukuchula mumutima.

1 Petulo 3:9

Mwibweleshapo ububi pabubi bunakwe, nangula amatuka pamatuka. Nomba mwebo mubashukishe pakuba efyo Lesa amwitile mubwikashi mbu ukwebati mupokelele ukushukisha kwakwe.

1 Petulo 4:19

Echo abantu abachula pamulandu wakufwaya kwaku Lesa, bayipele kuli Kabumba wabo uuchetekelwa, nokuchita imilimo iiweme.

Yuda 1:9

Nangu mungelo mukulu Mikaeli ulo bali kutalikana na Satana pamulandu wachitumbi chakwa Mosesi, tasoselepo ishiwi nangu limo ilyamusalula. Ye asosele bwaka ishiwi ilyakuti, “Leka Mfumu eyo akukalipile!”