1 Kolinto 4:1 - Chipangano Chabwangu

¹ Mwebo mulingile ukutubona nga bapyungi baku Klistu abasontwa ukwangalila ifyafisama fyaku Lesa.

1 Kolinto 4:1 ပူးပေါင်းရင်းမြစ်များ

Mateyo 13:11

Elo naye abasukile ati, “Kuli mwebo kwalipelwa ukwishiba ifyamubumfisolo ifyabufumu bwakumulu, nomba bo tabapelwapo iyowo.

Mateyo 24:45

“Nga ninani engaba umupyungi wachine, uwamano uwo Bashikulu bakwe bengasonta pabapyungi banakwe ukuti eye alokubapela ichakulya panshita iilingile?

Maliko 4:11

Epo asosele kuli bo ati, “Kuli mwebo kwapelwa ichamfiso ichabufumu bwaku Lesa, ekwebati kuli mbalya abakunse, ifintu fyonse fikochitika mufyelusho.

Luka 1:2

Balilembele ifyo batwebele abantu abaliko ulo fyatatikile mfi fintu. Pakuba bo baliyibwenene namenso abo, nokubilisha nga mashiwi.

Luka 12:42

Bashikulu balimwasukile ati, “Kanshi, ninani uwingaba uwakuchetekela nowamano? Ningulya uwo wishikulu akusonta ukuba umukulu pali bonse, mukuba uwakupela ifyakulya kubamilimo bonse panshita yalinga.

Luka 8:10

Yesu abasukile ati, “Kuli mwebo kwapelwa ifyamfiso ifyabufumu bwaku Lesa, ekuti kuli bambi nimufyelusho. Ukuti ukubona balikubona nomba tabalokubweneshapo, nokumfwa balikumfwa nomba tabalokumfwishapo.

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

1 Kolinto 2:7

Umulangwe uwo tusosa waku Lesa, uwamubumfishi, uwafisama ukufuma kubantu. Lesa talatala ichalo, apekenye kabela ukuti atupele ubuleme.

1 Kolinto 3:5

Mba Apolosi ninani? Mba Paulo naye ninani? Bapyungi bwaka abaku Lesa abaletele Ubutumi Bwawama kuli mwebo ubo mwachetekele. Umo-umo muli fwebo apyungile bwaka umulimo uyo Bashikulu bamupela.

1 Kolinto 4:13

Ulo abantu batubepesha, fwebo tulaasuka nomutembo. Nanomba tuli kubati fiswaswa fyamuno chalo, nabantu bonse batubona kubati fisoso.

1 Kolinto 4:2

Nomba ichilingile kubasontwa kuba abachishinka kuli shikulu wabo.

2 Kolinto 11:23

Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

2 Kolinto 12:6

Nangu nga nafwaya ukuyitutumuna, tekutipo mbe uupuneme pakuti ningasosa ifyakwebesha fyenka. Nomba nshayitutumune, ukutina ukwebati umo angananguluka ukuba wachilapo, ukupusana na umo bambwenamo elo na umo nsoselemo.

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

2 Kolinto 6:4

Nomba muli fyonse tulayilanga abapyungi baku Lesa pakushipikisha ukwinekantu mumachushi, mukufinya namumafya.

Efeso 1:9

Lesa alitufisulwila ubufwayo bwakwe afishile ubo apingile ukuchita muli Klistu.

Efeso 6:19

Munombeleko nandibo ukwebati Lesa ampele amashiwi ulo nkobilisha kubantu ishamubumfisolo ifya Batumi Bwawama ukwambula umwenso.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

Kolose 4:3

Nafwebo mulokutulombelako ukuti Lesa atupele inshita iiweme, iyakushimikila amashiwi akwe nokusosa ichamfiso chaku Klistu, pantu pakushimikila epo nakakilwepo muchifungo.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

1 Timoti 3:6

Talingilepo ukuba umuntu uwatatikile ukuchetekela bwangu nalimo kuti atatika ukuyikusha, elo akupelwa umulandu ukubati nimfilya Kachenjeleka apelwe umulandu.

1 Timoti 3:9

Nomba balingile ukuba abaololoka ukwambula ukutwishika mukuchetekela ifyo Lesa afisulwile.

Taitasi 1:7

Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.

1 Petulo 4:10

Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.