1 Kolinto 3:8 - Chipangano Chabwangu

⁸ Umuntu uubyala nowitilila balilingana. Echo Lesa akulambula umo-umo pali bo ukulingana nomulimo uwo apyungile.

1 Kolinto 3:8 ပူးပေါင်းရင်းမြစ်များ

Mateyo 16:27

Pantu Umwana wa Muntu akwisa nabangelo bakwe mubuleme bwaku Wishi. Elo akwisa kupela umuntu umo-umo ukulingana nemilimo yakwe iyo achita.

Luka 19:19

Elo imfumu yamwebele ati, ‘Webo walikuteka imishi isano.’

Loma 2:6

Pakuba Lesa akwisa kupela ichilambu kumuntu ukulingana nemilimo achitile.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

1 Kolinto 3:14

Kati ifyo umuntu ayimakile pamufula atafipilepo kumulilo, uwakwimaka ngulya akupokelela amalipilo.

1 Kolinto 3:7

Echo uubyala nowitilila tapapo ifyo bali, kuntu Lesa uufikusha eukwetepo akantu.

1 Kolinto 3:9

Pakuba fwebo tuli abapyungi baku Lesa, mwebo muli ibala lyakwe Elo muli nanda yaku Lesa.

1 Kolinto 4:15

Nangu mungakwata abakusambisha amakana ikumi mubwina Klistu bwenu, tekuti mukwatepo bawishinwe abenji iyowo. Pakuba muli Klistu, nabele wishinwe pamulandu wakumushimikila Ubutumi Bwawama.

1 Kolinto 9:7

Napo eko aba umushilikali uuyilipila enka mumulimo wakwe? Mba ninani uungabyala ifitwalo ukwambula ukufilyako? Napo kuli chembela wamukuni uutanwako umukaka kumukuni wakwe?

Galatiya 6:4

Umuntu onse ayeshe imikalile yakwe. Panuma elo ayikushe umwine, ukwambula ukupalanya kuli umbi iyowo.

Galatiya 6:5

Pakuti umuntu onse alingile ukupinta ichipe chakwe umwine.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

1 Petulo 5:4

Nomba ulo Chembela mukulu akuboneka mwakupokelela ichilambu ichitafota ichamuchinshi.

2 Yohane 1:8

Chenjeleni ukuti tamulufishepo ifyo mwabombela, lelo mukapokelele ichilambu chenu ichayisushiwa.

Ukufisulula 2:23

Nakulofya abana bakwe. Elo ifilonganino fyonse fyakwishiba ukuti ninebo uwayishiba ifyamumitima namalangulushi yabantu. Echo nkalambula umuntu nomuntu pamilimo yakwe.

Ukufisulula 22:12

Yesu asosele ati, “Boneni, nakwisa bwangu! Nakwisa nechilambu chandi mukupela umuntu umo-umo ukulingana nemilimo yakwe.