1 Kolinto 3:6 - Chipangano Chabwangu

⁶ Nebo nabyele imbuto, Apolosi ayitilile, kuntu uwashimeneshe ni Lesa.

1 Kolinto 3:6 ပူးပေါင်းရင်းမြစ်များ

Imilimo ya batumwa 11:18

Ulo baumfwile nga mashiwi, alibashinine. Elo bachinshikile Lesa ati, “Kanshi Lesa alipela abenafyalo inshita yakulapila kumabifyo abo ukuti bakwate ubumi!”

Imilimo ya batumwa 14:27

Ulo bafikile ku Antiyoki, balongenye abena Klistu nokubashimikilako ifyo Lesa apyungile nabo, nefyo Lesa ayiswile inshila ukuti abenafyalo bachetekele.

Imilimo ya batumwa 16:14

Umo waku bo abalikutumfwa ali ni Lidiya uwaku Tiyatila. Alikushitisha insalu ishaswetuluka. Ngu mwanakashi alikulomba Lesa. Elo Bashikulu bayiswile umutima wakwe ukuti omfwikishe ifyali kusosa Paulo.

Imilimo ya batumwa 18:24

Umuyuda umo uwalikwitwa Apolosi, uwafyalilwe mumushi wa Alekisandiliya, ayile ku Efeso. Ngu ali uwachenjela mukusosa, nakambi uwayishibisha ukwinekantu Amalembo aku Lesa.

Imilimo ya batumwa 19:1

Panshita iyo Apolosi ali mu Kolinto, Paulo apitile kunshila yakumulundu nokufika ku Efeso. Nkulya asangile abachetekela bambi.

Imilimo ya batumwa 21:19

Ulo Paulo ashilile ukubaposha, atatikile ukubalondolwela ifintu fyonse ifyamilimo iyo Lesa achitile kubenafyalo mukupyunga kwakwe.

Loma 15:18

Nshakwatepo insoni ukusosa ifyo nkochita ukupitila muli Klistu ulo nkolonganya abenafyalo ukwebati banakile Lesa. Nkochita mfi mukusambisha namumilimo,

1 Kolinto 1:12

Ifyo nkososa nimfi ifyakuti umbi akososa ati, “Nebo ndiwakwa Paulo,” umbi naye ati, “Ndiwakwa Apolosi,” umbi naye ati, “Nebo ndiwakwa Kefasi,” elo umbi naye ati, “Nebo ndiwaku Klistu.”

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 3:22

Paulo, Apolosi na Petulo, ichalo, ubumi nemfwa, fyonse ifilipo nafyonse ifikoyisa. Fyonse mfi fyenu,

1 Kolinto 3:7

Echo uubyala nowitilila tapapo ifyo bali, kuntu Lesa uufikusha eukwetepo akantu.

1 Kolinto 9:1

Napo nshilipo muntungwa? Napo tanshilipo umutumwa? Napo nshamubwenepo na Yesu Shikulu wesu? Te mwepo ifitwalo pamulimo napyungila Bashikulu?

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

1 Tesalonika 1:5

Ubutumi Bwawama ubo twaletele kuli mwebo, tabwalipo amashiwi bwaka iyowo, kuntu twalisambishe nefiso fyonse mukutangililwa no Mupashi Wabuta ukwambula ukukayika mumitima yesu. Mulishibile ubumi ubo twalinabo ulo twali namwe. Fyonse mfi fyali ifyakumwafwilishako mwebo.