1 Kolinto 3:5 - Chipangano Chabwangu

⁵ Mba Apolosi ninani? Mba Paulo naye ninani? Bapyungi bwaka abaku Lesa abaletele Ubutumi Bwawama kuli mwebo ubo mwachetekele. Umo-umo muli fwebo apyungile bwaka umulimo uyo Bashikulu bamupela.

1 Kolinto 3:5 ပူးပေါင်းရင်းမြစ်များ

Mateyo 25:15

Umo amupele indalama amakana asano. Umbi amupele amakana abili. Elo umbi naye amupele ikana limo. Apele umo naumo ukulingana nefyo angabomba. Ulo ashilile ukubapela, aliile.

Luka 1:2

Balilembele ifyo batwebele abantu abaliko ulo fyatatikile mfi fintu. Pakuba bo baliyibwenene namenso abo, nokubilisha nga mashiwi.

Yohane 3:27

Yohane alyasukile ati, “Takupo umuntu uwingakwatapo akantu, sembi Lesa amupela.

Imilimo ya batumwa 18:24

Umuyuda umo uwalikwitwa Apolosi, uwafyalilwe mumushi wa Alekisandiliya, ayile ku Efeso. Ngu ali uwachenjela mukusosa, nakambi uwayishibisha ukwinekantu Amalembo aku Lesa.

Imilimo ya batumwa 19:1

Panshita iyo Apolosi ali mu Kolinto, Paulo apitile kunshila yakumulundu nokufika ku Efeso. Nkulya asangile abachetekela bambi.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

1 Kolinto 12:28

Muchilonganino Lesa alibikamo mba: pakwamba abatumwa, muchabubili abasoseshi, muchabutatu abasambishi. Abikilemo abantu abangachita ifyafiso ifikulu, abakwete ifiso ifyakuposha, bambi ifyakwafwilishako, bambi ifyakutungulula, nabambi ifyakusosa mundimi ishapusana-pusana.

1 Kolinto 16:12

Pamulandu waku wesu Apolosi, nalimukoseleshe ukwebati pamo nabawesu bambi, ese kuli mwe mukumupempula. Nomba ye talikufwayapo ukwisa. Nga akwata inshita, akwisa.

1 Kolinto 3:10

Ukubomfya ichabupe icho Lesa ampele, nalibombele umulimo nga inchenshi mukwimaka nokuwamya umufula, elo umbi akoyimakapo. Nomba umo naumo alingile ukuchenjela umo emakila.

1 Kolinto 3:22

Paulo, Apolosi na Petulo, ichalo, ubumi nemfwa, fyonse ifilipo nafyonse ifikoyisa. Fyonse mfi fyenu,

1 Kolinto 3:7

Echo uubyala nowitilila tapapo ifyo bali, kuntu Lesa uufikusha eukwetepo akantu.

1 Kolinto 9:17

Nga chakuti nkobomba umulimo ngu mukuyipela, ekuti nakupokelelapo amalipilo. Nomba nkobomba pakuti mfwile ukubomba, pakuba Bashikulu ebampele ukuchita mfi.

2 Kolinto 11:23

Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

2 Kolinto 3:3

Abantu bonse bangabona ukuti nimwe kalata yafumine kuli Klistu, iyalembelwe ukupitila muli fwebo, tekuli inki, kuntu ku Mupashi Wabuta waku Lesa wabumi. Tepafyalembwa pamabwe, kuntu mumitima yabantu.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

2 Kolinto 4:1

Lesa, mubwanshi bwakwe, alitupela umulimo ngu. Echo tatunenuka imitima.

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

2 Kolinto 4:7

Nomba fwebo tuli nongo bwaka ishakusungilamo mbu buboni ukwebati peshibikwe ukuti ifiso ifikulu mfi fyaku Lesa, tefyabantupo iyowo.

2 Kolinto 5:18

Uwachitile fyonse mfi ni Lesa uwo, ukupitila muli Klistu, alituwikishanya na Ye. Elo alitupela umulimo uwakulenga bambi ukuba abanakwe nabo.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

2 Kolinto 6:4

Nomba muli fyonse tulayilanga abapyungi baku Lesa pakushipikisha ukwinekantu mumachushi, mukufinya namumafya.

Efeso 3:7

Kubwanshi bwaku Lesa alimpele umulimo wakubilisha Ubutumi Bwawama mbu. Ulo achitile mfi alilangile ifiso fyakwe.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:25

Elo nandibo ndimupyungi wachilonganino nchi pantu Lesa alimpele umulimo wakupyunga mukati kenu. Umulimo ngu uwakuti mbilishe amashiwi akwe onse.

1 Timoti 1:12

Nkototela Klistu Yesu Bashikulu wesu abo abampela ifiso, pakuti banangulukile ukuba wachine nokunsota ukuti ndokumupyungila.

1 Petulo 4:10

Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.