1 Kolinto 3:16 - Chipangano Chabwangu

¹⁶ Napo mwebo tamwishibilepo ati muli inanda yaku Lesa, nokuti Umupashi waku Lesa wikala muli mwe?

1 Kolinto 3:16 ပူးပေါင်းရင်းမြစ်များ

Yohane 14:17

Ngu Mupashi uusambisha ifyakwebesha. Ichalo tachayise kumupokelela, pantu tabamubonapo nangu ukumwishiba. Nomba mwe mulimwishibile pantu ekala namwe nakambi ali muli mwe.

Loma 6:16

Mwalishiba ukuti nga mwayipela ubusha kumuntu umbi nokumumfwila, penkapo mwaba abasha bamuntu ngulya mukoumfwila. Nga mwaba abasha babubi, mwakwisa kufwa. Nomba nga nimwebo abasha baku Bashikulu, mwakulungamikwa.

Loma 6:3

Napo tamwishibilepo ukuti fwe bonse twabele umo na Yesu Klistu ulo twabatishiwe? Mulubatisho ndu twabele umo namumfwa.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

Loma 8:9

Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

1 Kolinto 3:17

Nomba nga umuntu umo aonaula inanda yaku Lesa, naye Lesa akumonaula. Pakuti inanda yaku Lesa yaba iyapatulika, elo inanda njilya nimwe.

1 Kolinto 3:9

Pakuba fwebo tuli abapyungi baku Lesa, mwebo muli ibala lyakwe Elo muli nanda yaku Lesa.

1 Kolinto 5:6

Ukuyitutumuna kwenu takuwemepo! Napo tamwayishibapo insoselo iyakuti, “Utwamimena utuche tututumuna ichamufuba chonse.”?

1 Kolinto 6:16

Napo tamwishibilepo ukuti umuntu nga aulungana nomwanakashi wabuchende basanguka umubili umo? Pakuba Amashiwi aku Lesa alisosa ati, “Mba babili bakuba umubili umo.”

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

1 Kolinto 6:9

Napo tamwishibilepo ukuti imbifi tashakabonepo ubufumu bwaku Lesa? Mwilokuyibepapo, abachende, abalomba tungosa wakubasa, inchechemeshi, abaulungana nabalalume banabo,

1 Kolinto 9:13

Kanshi tamwishibilepo ukuti bapyunga munanda yaku Lesa, balya ififuma munanda njilya? Napo tamwishibilepo ukuti abapyungila pachipupililo balaakana ifyachipupo?

1 Kolinto 9:24

Napo tamwishibilepo ukuti bonse balachimfyanya mulubilo, kuntu umo eupokelela ichilambu? Echo ukubutuka kwenu kube ukwakupokelela ichilambu.

2 Kolinto 6:16

Mba inanda yaku Lesa ingalingana shani natungosa wakubasa? Fwebo tuli nanda yaku Lesa uwabumi kubati nimfilya umwine asosele ati, “Nakuba pakati kabantu banji, elo nakwikala nabo. Nakuba Lesa wabo, elo nabo bakuba abantu banji.”

1 Timoti 3:15

Nomba nga nachelwa ukwisa, ifyo nalemba muli kalata nji fyakukutangilila ifyo abantu balingile ukwikala munanda yaku Lesa umumi. Chilonganino eling’umba nomufula uwafyachine ifyaku Lesa.

2 Timoti 1:14

Ulame bwino ifiweme ifyapelwe kuli webo ukufuma ku Mupashi Wabuta uwaba muli webo.

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Yohane 4:12

Tapapo uwabona Lesa iyowo, kuntu nga twatemwana ekuti Lesa aba muli fwebo, nokutemwa kwakwe kwaba ukwafikapo muli fwe.